Հատրութէն տեղահանուած ընտանիքը ունեցաւ իր տանիքը

2020-ի 44-օրեայ պատերազմին պատճառով Արցախի Հատրութ քաղաքէն տեղահանուած ընտանիքը ունեցաւ իր տանիքը , «Հալէպ» ՀԲՀԿ-ի «Հիւրընկալէ ընտանիք մը» բնակարանային ծրագրի շնորհիւ: Տէր և Տիկին Արշակ եւ Այտա Փոթուքեանները, եւս մէկ անգամ, իրենց աջակցութիւնը ցուցաբերեցին «Հալէպ» կազմակերպութեան ծրագրերը իրականացնելու, եւ Հատրութցի Պրն․ Նիքոլայի բազմանդամ ընտանիքին ժամանակաւոր բնակարան տրամադրուեցաւ։

Բնակարանամուտի արարողութիւնը տեղի ունեցաւ՝ 2021-ի Սեպտեմբեր ամսուան ընթացքին։ Ներկայ էին բարերարուհի Տ․ Այտա Փոթուքեանը, «Հալէպ» ՀԲՀԿ-ի նախագահ Տ. Անի Պալխեանը, գործադիր տնօրէն Սարգիս Պալխեանը, գործադիր մարմնի անդամներ՝ Տ․ Թալին Չէմպերճեանն ու Տ․ Սիլվա Գաբլանեանը։ «Հալէպ» կազմակերպութեան նախագահ Տ. Անի Պալխեանը շնորհակալութիւն յայտնեց Տ․ Փօթուքեանին իր տրամադրած բնակարանին համար։ Ինչպէս նաեւ Հատրութցի ընտանիքի մեծ հայրը՝ Պրն․ Նիքոլայը իր ընտանիքին անունով, իրենց երախտագիտութիւնը յայտնեց թէ Տ․ Այտային եւ թէ «Հալէպ» կազմակերպութեան ցուցաբերուած օգնութեան համար։

Նշենք, որ «Հիւրընկալէ ընտանիք մը» ծրագրի նպատակն է Սուրիոյ պատերազմէն եւ Լիբանանի ճգնաժամէն տուժած, ինչպէս նաեւ Արցախէն տեղահանուած ընտանիքներուն առաջնային ու կենսական կարիքները ապահովելն է, մասնաւորապէս տրամադրել կացարան՝ օգնելու ոտքի կանգնիլ եւ ստեղծել բարեկեցիկ ապագայ:

Ծրագիրը կ՚իրականացուի բարերարներու միջոցով, որոնք իրենց գնած բնակարանները «Հալէպ» ՀԲՀԿ-ի հետ ստորագրուած պայմանագրային հիմքերով, ժամանակաւորապէս եւ անհայտոյց օգտագործման նպատակով կը տրամադրեն խոցելի ընտանիքներուն։

«Հիւրընկալէ ընտանիք մը» ծրագրի տրամադրուած բնակարանները անհրաժեշտ կենցաղային գոյքով կը կահաւորուին ՄԱԿ-ի Փախստականներու Գերագոյն յանձնակատարի հայաստանեան գրասենեակի ֆինանսական աջակցութեամբ։ Բնակարանային այս ծրագրի իրականացման համար «Հալէպ» ՀԲՀԿ-ն կը համագործակցի անհատ բարերարներու՝ Չէմպերճեան, Մելքոնեան, Հովհաննիսեան եւ Փոթուքեան , ինչպէս նաեւ Global Hope Network International-ի հետ, որը բնակարաններ տրամադրած է նաեւ Լոռիի մարզի Սպիտակ քաղաքին մէջ։