ԲԱՐԻ ԵՐԹ «ՀԱԼԷՊ» ՀԲՀԿ ԵՒ ԲԱՐԻ ՏԱՐԵԴԱՐՁ:

«ՀԱԼԷՊ» ՀԲՀԿ վարչութիւնը, հաւատարիմ իր առաքելութեան, ընդհանուր ժողովը կարեւոր համարելով եւ նոր անդամներուն կեդրոնիս գործունէութիւնը ծանoթացնելու միտումով, Երեքշաբթի 28, Հոկտեմբեր 2014 –ի երեկոյեան ժամը 9 : oo -ին կազմակերպեց ժողով-հաւաք կեդրոնիս բոլոր անդամներուն ներկայութեամբ: Ձեռնարկը տեղի ունեցաւ կեդրոնի սրահին մէջ: «ՀԱԼԷՊ» ՀԲՀԿ նախագահ՝ տիկին Անի Պալխեան հանդիպումը բաց յայտարարելէ եւ բարի գալուստ մաղթելէ ետք ներկաներուն յայտնեց, թէ սոյն հանդիպումը կը միտի անդամները իրազէկ դարձնել «ՀԱԼԷՊ» ՀԲՀԿ միամեայ գործունէութեան: Այս առթիւ տիկին Անի իր գոհաբանական խօսքին մէջ գնահատեց բոլոր անդամներուն ժրաջան աշխատանքը եւ կապուածութիւնը կեդրոնին, ինչպէս նաեւ շնորհակալութեան եւ երախտագիտութեան խօսք ուղղեց ներկաներուն, որոնք անյապաղ հետեւողութեամբ յաջողած են իւրացնել իրենց վստահուած աշխատանքը: Ապա հակիրճ ձեւով ներկայացուց կազմակերպութեանս միամիայ գործունէութեան տեղեկագիրը, ուր յիշեց կեդրոնիս բազմածաւալ գործունէութիւնը բաղկացած 75 կէտերէ (այցելութիւններ, մշակութային ձեռնարկներ, բարեգործական բնոյթ ունեցող բազմածաւալ աշխատանքներ, ցուցահանդէսներ, խրախճանքներ, «ՀԱԼԷՊ» ՀԲՀԿ «Արեւիկ-Հայաստան» կեդրոնի վերաբացում, նպաստաբաշխումներ, ճաշկերոյթներ, բժշկական օգնութիւններ, անվճար դասընթացքներ, դրմահաւաքներ, պարէնի բաշխումներ, «հիւրընկալէ ընտանիք մը» ծրագիր) եւ այլ բազմաթիւ գործունէութիւններ: Հուսկ «ՀԱԼԷՊ» ՀԲՀԿ «Հայաստան-Արեւիկ» կեդրոնի Տնօրէնուհի՝ տիկին Ալին Մոմճեան շնորհակալութիւն յայտնեց կեդրոնի անձնակազմին, ուսուցչական կազմին եւ բոլոր բարերարներուն, որոնք ջանք չխնայեցին այս Աստուածատուր հզօր աշխատանքը իր նպատակին հասցնելու:
«ՀԱԼԷՊ» ՀԲՀԿ Երիտասարդականի ատենապետ՝ Յակոբ Գազանճեան ներկայացուց կազմին միամեայ տեղեկագիրը եւ յառաջիկայ ծրագիրները:
Այնուհետեւ անդամները լուսաբանական հարցումներ ուղղեցին ժողովի արդիւնքներուն եւ գործնական աշխատանքներուն հետ կապուած: Ապա ներկաները հրաւիրուեցան կազմակերպութեան միամեայ տարեդարձի կարկանդակը հատելու, անդամները խանդավառ մթնոլորտ ստեղծեցին ապա յիշատակի լուսանկարներ առնուեցան: ԲԱՐԻ ԵՐԹ «ՀԱԼԷՊ» ՀԲՀԿ ԵՒ ԲԱՐԻ ՏԱՐԵԴԱՐՁ:

«ՀԱԼԷՊ» ՀԲՀԿ նախագահ՝ տիկին Անի Պալխեանի խօսքը։

Այսօր այս հանդիպում – հաւաքը, առիթ մըն է նախ մեր առաջին ընդհանուր ժողովը գումարելու, ինչպէս նաեւ ուրախ առիթ մըն է «ՀԱԼԷՊ» Հայրենասիրական Բարեսիրական Հասարակական Կազմակերպութեան հիմնադրման ու ծնունդի առաջին տարեդարձը նշելու։
Մէկ տարուայ ընթացքին, ամէնօրեայ ականատեսը ըլլալով, անսահման նուիրուածութեամբ եւ մարդասիրական բարձր ոգիով օժտուած, մեր անդամ-անդամուհիներու աշխատանքին, խորին երախտագիտութեան զգացումներով շնորհակալութիւն կ՛ուզեմ յայտնել «ՀԱԼԷՊ» ՀԲՀԿ տիկնանց խորհուրդին, երիտասարդաց խորհուրդին, օժանդակ տիկնանց յանձնախումբին եւ “Արեւիկ” թերաճներու կեդրոնի տնօրէնութեան, որոնք ճիգ չեն խնայեր աջակցելու եւ սատար կանգնելու պատերազմէն տուժողներուն, եւ գէթ իրենց առաքելութեամբ յոյսի եւ լոյսի բաժին մը բերելու յատկապէս սուրիահայ մեր ընտանիքներուն։
Այս առթիւ կը մաղթեմ որ օր առաջ խաղաղութիւն, սէր եւ համերաշխութիւն տիրէ համայն աշխարհի եւ յատկապէս Սուրիոյ մէջ, ուր մեր հայրենակիցներէն դեռ շատեր կ՛ապրին դիմագրաւելով ամէնօրեայ վտանգը այս անարդար պատերազմին։
Անսպառ յոյս, ուժ ու կորով կը մաղթեմ բոլորիդ ու նորանոր յաջողութիւններու նուաճում «ՀԱԼԷՊ» կազմակերպութեան, իրականացնելու համար իր առաքելութեան հիմքը հանդիսացող բոլոր նպատակները։

aleppongo
[addtoany buttons="facebook,twitter,email"]

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image