Ս.Սարգիսի տօնին առթիւ ձեռնարկ

”Հալէպ”ՀԲՀ կազմակերպութիւը Հայկական աւանդութիւնները վերաթարմացնելու նպատակով, Ս.Սարգիսի տօնին առթիւ ձեռնարկեց նախաճաշ-հաւաքոյթ մը, որ տեղի ունեցաւ 28,Յունուար,2015-ին ”Ապու Յակոբ”ճաշարանէն ներս : Ճաշարանը ամբողջ Հալէպ կը բուրէր՝ ի տես հալէպահայ կիներու ներկայութեան:Բացման խօսքով հանդէս եկաւ տիկին Ցոլա Վիզոյեան:Ան ամփոփ կերպով ներկայացուց ”Հալէպ”ՀԲՀԿ-ի գործունէութիւնը եւ կարճ ակնարկ մը նետեց Ս.Սարգիսի տօնին առնչուող հայկական սովորութիւններուն վրայ: Իրերայաջորդ կերպով մթնոլորտը ճոխացուցին Ցոլեր Գարակիւլէեան՝երգով, դերասանուհի Լաուրա Թորոսեան՝ ասմունքով եւ դերասան Սարգիս Ռուստամեան՝ մնջախաղի ելոյթով:Դերասաններու ղեկավարն էր Պրն. Արա Յարութիւնեան : Հաւաքոյթի մթնոլորտէն խանդավարուած, կազմակերպութիւնս ստացաւ նուիրատուութիւններ հետեւեալ անձերու եւ կազմակերպութիւններու կողմէ.- Տիկ.Թալին Ջեմպերճեան,Տիկ.Ռիթա Գարակիւլէեան,ՀՕՄ-ի ”Կռունկ” մասնաճիւղի վարչութիւն եւ Տիկ.Անի Պալխեան: Նուիրատուներու շարքին էին նաեւ Ամերիկայի Լոս Անճելոս նահանգի Ս.Գրիգոր Լուսաւորիչ եկեղեցւոյ Յովսէփեան վարժարանի տնօրէնութիւնը, իսկ Լոս Անճելոսի ”Ասպարէզ”թերթի խմբագրական կազմը, ”Հալէպ”ՀԲՀԿ-ին տրամադրեց ձմեռնային հագուստներ ու գրենական պիտոյքներ ի նպաստ հայաստանաբնակ սուրիացի ընտանիքներուն: Կազմակերպութիւնս նուիրատուութիւն ստացած էր նաեւ անհատ բարերարներէ եւ տարբեր հիմնարկներէ,ինչպէս՝”Մեր Թաղը”ճաշարանի սեփականատէր Պրն. Սարգիս Կրպոյեանէն,Պրն. Անդրանիկ Կէօզուքէօչուկեանէն եւ Art-Bridge café-ի տնօրէնութենէն: Յատուկ շնորհակալական խօսք կ’ուզենք յղել նաեւ ”Ապու Յակոբ”ճաշարանի տնօրէնութեան,նամանաւանդ Տիկին Ազնիւ Քիլիսեանին իր սիրալիր ընդունելութեան համար: Այս առթիւ ”Հալէպ”ՀԲՀկազմակերպութիւնս շնորհակալութիւն կը յայտնէ բոլոր նուիրատուներուն՝ իրենց աջակցութեան եւ բարենպաստ օգնութիւն ցուցաբերելնուն համար: Թող Ս. Սարգիսը բոլորին իղձերուն ու երազանքներուն բարեխօսը դառնայ:

aleppongo
[addtoany buttons="facebook,twitter,email"]

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image