«Սոցիալ-հոգեբանական աջակցություն սիրիահայերին» ծրագրի հերթական հանդիպումը․ Հայկական աւանդական ուտեստներ

«ՀԱԼԷՊ» Հայրենակցական բարեսիրական հասարակական կազմակերպութեան սոցիալ-հոգեբանական անդամներու խմբակի հերթական հանդիպումը տեղի ունեցաւ Ուրբաթ, 5 Ապրիլ 2019-ին, ժամը 14։00-ին, 35 ընկերուհիներու ներկայութեամբ։ Հանդիպումը վարեց «ՀԱԼԷՊ» ՀԲՀԿ-ի հիմնադիր փոխնախագահ՝ Ծովիկ Մակարեան-Պայթարեան: Ան ներկաներուն փոխանցեց, որ իւրաքանչիւր շաբթուան, սոյն հաւաքի, որպէս առաջին օրակարգ, հերթական դրութեամբ պիտի ներկայացուին՝ «Ծանօթանանք մեր արժէքներուն» խորագրի ներքոյ այլազան նիւթեր։ Ան նշեց, որ այս տարի կը լրանայ Երեւանի կայարանամերձ հրապարակին վրայ փառապանծ կանգնած Սասունցի Դաւիթի արձանին տեղադրման 60-ամեակը, նոյն այս տարուան ընթացքին պիտի նշուի նաեւ սոյն արձանին տաղանդաշատ քանդակագործ՝ Երուանդ Քոչարի ծննդեան 120-ամեակը։ Ան հազիւ երեք տարիէ իվեր Ֆրանսայէն ներգաղթած էր Հայաստան, երբ 1939-ին, արձանին գաղափարը ծնունդ կ’առնէ։ Բայց աւարտելէն եւ տեղադրելէն ետք հազիւ երկու տարի անց, Սովետական իշխանութեան կողմէ կը մեղադրուի, կ’ամբաստանուի որպէս՝ թշնամի-դաւաճան․․․ Բանտ կը նետուի, իսկ արձանն ալ կը վերանայ հրապարակէն։ Յետագային կրկին իշխանութիւնները կը փափաքին վերականգնել Սասունցի Դաւիթի արձանը, եւ դարձեալ, այդ աշխատանքը կը վստահին Երուանդ Քոչարին։ Արձանին բացումը մեծ տօնախմբութեամբ կը կատարուի 1959-ին, Երեւանի կայարանի հրապարակը զետեղուելով։ Երուանդ Քոչարի գլուխ-գործոց Սասունցի Դաւիթի փառաւոր արձանը Երեւանի խորհրդանիշներէն մէկը կը յամարուի, արձանը շատ մը խորհուրդներ կը պարունակէ իր մէջ։

Օրակարգի երկրորդ մասը «Մեր հայկական աւանդոյթները», թեման ներկայացուց Վանիա Մսրիէ-Գարաճեանը։ Ան, իր խօսքը ուղղելով հարցադրեց ներկաներուն իրենց պատկանելութեան մասին, Արեւմտեան Հայաստանի ո՞ր գաւառէն, կամ ո՞ր տարածաշրջանէ՞ն էին իրենց նախնիները։ Ան անդրադարձաւ, որ Սփիւռքի մէջ հայրենակցական միութիւնները կեանքի կոչուեցան հայկական գաղութները պահելու եւ համախմբելու մեր զանազան գաւառներու աւանդութիւններուն եւ սուորութիւններուն շուրջ։

Ապա, Վանիա Գարաճեան հետաքրքրուելով իւրաքանչիւր գաւառի յատուկ , նշանաւոր կերակրատեսակներու, տօնական յատկանշական առիթներուն պատրաստուած ուտեստներուն, պահքի շրջանի բուսական ճաշերու, ինչպէս նաեւ կերակուրներու օգտագործուած նիւթերու պարունակութեան, պատրաստելու եղանակին, ներկաներուն առիթը տուաւ իրենց գաւառի նշանաւոր ուտեստներու մասին ներկայացնելու։

Հետաքրքրական եւ խանդաւառ մթնոլորտ ստեղծուեցաւ սրահին մէջ, զրոյցին ուշադրութեան արժանացաւ ներկաներէն մէկը, որուն նախնիները Հռոմկլայէն էին, ուր կը գտնուի Ս․ Ներսէս Շնորհալիի գերեզմանը։

Օրակարգի երրորդ մասը «Առողջ ըլլանք» թեման ներկայացուց բժշկուհի Մայտա Չաւուշեան, որ արժեւորեց բուսական (բանջարեղէն, միրգ․․․) սնունդի անհրաժեշտ օգտագործումը մեր առօրեայ սնունդի ցանկին մէջ եւ հեռանալ ճարպային, իւղոտ եւ մսեղէն կերակրատեսակներու չարաշահումէն, որ զանազան հիւանդութիւններու պատճառներն են։ Բժշկուհի Չաւուշեան առողջապահական հարցադրումներուն լայն բացատրութիւններ տուաւ ներկաներուն։

Առ ի յիշեցում «ՀԱԼԷՊ» ՀԲՀԿ-ի «Սոցիալ-հոգեբանական աջակցութիւն սիրիահայերին» ծրագիրը կը կազմակերպուի անվճար, Հայաստան ապաստան գտած սուրիահայութեան, նպատակ ունենալով դիւրացնելու, հեշտացնելու եւ նեցուկ կանգնելու մեր հայրենակիցներուն իրենց առօրեայ խնդիրները ուշադրութեան արժանի դարձնելու, մեկնակէ  ունենալով դիւրացնել իրենց հոգերն ու մտահոգութիւնները եւ վարջապէս աջակցիլ իրենց ներգրաւուածութիւնը Հայաստանեան հասարակական կյանքին մէջ։ Սոյն հաւաք-հանդիպումի ընթացքին կը հրաւիրուին դասախօսներ զանազան մասնագիտութիւններով, որոնք իրենց գիտելիքները եւ փորձառութիւնները կը փոխանցեն ներկաներուն։

Ծովիկ Մակարեան-Պայթարեան

aleppongo
[addtoany buttons="facebook,twitter,email"]

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image