Համբարձման Տօնակատարութեան նշում՝ Բնութեան գիրկը

Ուրբաթ, 31 Մայիս 2019-ին, «Հալէպ» Հայրենակցական Բարեսիրական Հասարակական Կազմակերպութեան «Սոցիալ-Հոգեբանական աջակցութիւն Սիրիահայերին» ծրագրի մասնակից 52 անդամները խմբուելով «Ս. Մաշտոց» պողոտայի վերանորոգուած այգին, ուղղուեցաւ դէպի Հրազդանի կիրճը:

Մասնակիցները այցելեցին մանկական պուրակը եւ անոր կողքին գտնուող մանկական  կայարանը՝ «Հայրենիք» կայարանը:

Ապա տեղի ունեցաւ հետաքրքրական եւ օգտակար կարգ մը մարմնավարժական շարժումներ (մարզանք), որուն ներկաները մեծ հաճոյքով մասնակցեցան:  Որմէ ետք տեղի ունեցաւ Համբարձման տօնակատարութեան նշումը, ու Մայտա Չաւուշեան ներկայացուց Համբարձման Տօնին խորհուրդը եւ նշանակութիւնը: Տօնին հիմնական սովորութիւններն են ծաղկահաւաքը, վիճակահանութիւնը, ուխտագնացութիւնը եւ ծիսական ուտեստը:

Ըստ աւանդոյթի ներկայ անդամները կատարեցին վիճակ քաշելու արարողութիւնը, որուն ընկերակցեցաւ «Հանիկ նինար» էն հատուածներու երգեցողութիւնը:

Առ ի յիշեցում, «Հալէպ» ՀԲՀԿ-ի Սոցիալ-Հոգեբանական աջակցութիւն Սիրիահայերին» ծրագրի շրջանակներուն կը կազմակերպուի թեմատիկ հանդիպումներ եւ մշակութային ճանաչողական այցեր, հանդիպումներ, որոնք թոյլ կու տան ծրագրի մասնակիցներուն ստանալ սոց-հոգեբանական աջակցութիւն նոյնպէս գրասենիակէն դուրս: Նման գործունէութիւնը կը նպաստէ կանանց սոցիալ-հոգեբանական վերականգմանը եւ կը խթանէ իրենց սոցիալ-մշակութային, հոգեկան, ֆիզիքական, կրթական ու գիտական զարգացմանը:

Սոցիալ-Հոգեբանական աջակցութիւն Սիրիահայեիրին» ծրագիրը կը կազմակերպուի անվճար հիմունքներով:

*Ծովիկ Մակարեան-Պայթարեան

 

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image