Մարմնամարզութիւն Եւ Առողջ Մարմին

«Առողջ միտք առողջ մարմնի մէջ»

Հալէպ Հայրենակցական Բարեսիրական Հասակակական Կազմակերպութեան,«Սոցիալ հոգեբանական աջակցութիւն սիրիահայերին»խմբակի անդամներուն ժողով-հաւաքը տեղի ունեցաւ Ուրբաթ 13 Սեպտեմբեր 2019-ի ժամը 2-ին,«Հալէպ»Հ.Բ.Հ.Կ.-ի կեդրոնին մէջ.ներկայ էին 41 անդամ: Ժողով-հաւաքին բացումը կատարեց «Հալէպ»Հ.Բ.Հ.Կ.-ի հիմնադիր փոխ նախագահ Ծովիկ Մակարեան-Պայթարեան.ան բարի գալուստի խօսքերով ողջունեց ներկաները,բացատրութիւն տուաւ որոշ հասարակական հարցերու շուրջ,ամփոփ ձեւով զեկուցեց ներկաներուն անցած ամիսներու գործունէութեան մասին,կատարեց յայտարարութիւն առ այն,որ “UNESCO”ն ընդունած է Հայաստանի Հանրապետութեան հայցը,Կոմիտասը եւ Յ.Թումանեանը դասել համաշխարհային մեծերու շարքին: 

«Ծանօթանանք մեր արժէքներուն»բաժնին մէջ ան անդրադարձաւ Արցախի անկախ հանրապետութիւն հռչակման 28-րդ տարեդարձին՝2 Սեպտ.1991,եւ արցախեան պատերազմին հետ առնչուող կին հերոսներէն Անահիտ Մարտիրոսեանին անունը կրող«Անահիտ» ջոկատին: Փոխգնդապէտ Անահիտ Մարտիրոսեան եղած է Արցախեան բանակի միակ կին հրամանատարը.1989-ին,Պաքուի ջարդերուն ժամանակ Հայաստան գալու ճամբուն վրայ թուրք աւազակախումբը կ’սպաննէ ամուսնուն.Երեւան գալէն ետք,զաւակները կը ձգէ մօրը մօտ կը վերադառնայ Արցախ եւ կը մասնակցի մարտերուն.յետագային իր արիութեան հետեւանքով կը կազմուի Անահիտ հետախուզական ջոկատը,մարտի ընթացքին կը հանդիպի ամուսնուն սպաննողին եւ վրէժ կը լուծէ:

Օրուան հիւրն էր Լիանա Սուքիասեան-Քեշիշեան,որ տարիներէ ի վեր մարմնամարզութեան դասեր կը կազմակերպէ նախապէս Հալէպ այժմ Երեւան: Ան իր օգտակար խորհուրդները տուաւ մանրամասնօրէն բացատրելով մարմնամարզութեան կարեւորութեան եւ անոր դերին՝առողջ մնալու եւ տարիքի հետ շարժունակութիւնը պահպանելու մէջ.ցոյց տուաւ ներկաներուն տարիքին համապատասխան՝դէմքի,պարանոցի,ողնահարի,մէջքի,բազկի մկաններու,կոնքազդրային յօդի յատուկ մարզաձեւեր եւ քաջալերեց ներկաները կատարել այդ վարժութիւնները,սակայն յորդորեց մեծահասակներուն որ մարզանքը ըլլայ չափաւոր եւ ոչ ծանրաբեռնուած: Տիկ.Լիանան նշեց նաեւ ոսկրային համակարգի համար կարեւոր վիթամիններու մասին.ներկաները ոգեւորութեամբ կատարեցին որոշ վարժութիւններ:

«Առողջ մնանք»բաժինը ներկայացուց բժշկ.Մայտա Չաւուշեան,ան շեշտեց վերոյիշեալ վիթամիններու կարեւորութիւնը ,յատկապէս ոսկրային համակարգի համար կարեւորագոյն վիթամին D-ի անհրաժեշտութեան,ազդեցութեան,դերին եւ գործածութեան մասին ամբողջ կեանքի ընթացքին: Ան խօսեցաւ եղանակային փոփոխութիւններու շրջանին՝գարնան եւ աշնան քրոնիկ հիւանդութիւններու սրացումներուն եւ այդ սրացումներէն զգուշանալու միջոցներուն մասին. Ներկաներուն հարցումներուն տրուեցան սպառիչ պատասխաններ:Ժողով-հաւաքը աւարտեցաւ ջերմ մթնոլորտի մէջ,«Հալէպ»Հ.Բ.Հ.Կ.-ի”Aleppo Cuisine” խոհանոցին կողմէ տրամադրուած հիւրասիրութեամբ:

Առ ի յիշեցում «ՀԱԼԷՊ» ՀԲՀԿի «Սոցիալհոգեբանական աջակցութիւն սիրիահայերին» ծրագիրը կը կազմակերպուի անվճար, Հայաստան ապաստան գտած սուրիահայութեան, նպատակ ունենալով դիւրացնելու, հեշտացնելու եւ նեցուկ կանգնելու մեր հայրենակիցներուն իրենց առօրեայ խնդիրները ուշադրութեան արժանի դարձնելու, մեկնակէ ունենալով դիւրացնել իրենց հոգերն ու մտահոգութիւնները եւ վարջապէս աջակցիլ իրենց ներգրաւուածութիւնը Հայաստանեան հասարակական կյանքին մէջ։ Սոյն հաւաքհանդիպումի ընթացքին կը հրաւիրուին դասախօսներ զանազան մասնագիտութիւններով, որոնք իրենց գիտելիքները եւ փորձառութիւնները կը փոխանցեն ներկաներուն։

Մայտա Չաւուշեան

            

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image