Համբարձման տօնին նուիրուած նախաճաշ

“Հալէպ” հայրենակցական բարեսիրական հասարակական կազմակերպութեան, Տիկնաց Յանձնախումբի նախաձեռնութեամբ, 13 Մայիս, 2021-ին, կազմակերպութեան նորաբաց կեդրոնէն ներս (Կասկադ Հիլզ), տեղի ունեցաւ Համբարձման տօնին նուիրուած բարեսիրական նախաճաշ։ Յանձնախումբի անունով, բացման խօսքը արտասանեց տիկին Սալբի Գանթարճեանը, ներկաներուն մաղթելով բարի վայելում, ինչպէս նաեւ նշելով օրուան խորհուրդին եւ աւանդական ծիսակատարութիւններուն մասին։

Ներկաները, մտերմիկ ու ճոխ մթնոլորտի կողքին, վայելեցին Տիկնաց Յանձնախումբի պատրաստած արեւելեան համեղ ուտելիքն ու քաղցրաւենիքը։ “Համբարձում Եայլա” եւ “Ամպի տակից” երգերու ընկերակցութեամբ, “Բախտիկեան Շօ” պարախումբի սիրուն աղջիկները իրենց հեզաճկուն պարերով դիմաւորեցին հարսնացուներուն։ Տիկին Դանիա Պապօղլեանը պատմեց, թէ ինչպէս մեր նախնիները կը նշէին Համբարձման տօնը, որմէ ետք իւրաքանչիւր հարսնացու կարդաց իրեն բաժին ինկած վիճակ-քառեակը։

Կազմակերպութիւնս բարձր կը գնահատէ այս ձեռնարկի յաջողութեան համար կազմուած յանձնախումբի կամաւոր ընկերուհիներու տարած աշխատանքը; որուն անդամներն էին՝ տիկիններ՝ Թալին Չեմպերճեան, Ազնիւ Պերթիկեան, Թամար Գէւոյեան, Սալբի Գանթարճեան, Ալիս Պերթիկեան, Զեփիւռ Պալապանեան, գլխաւորութեամբ՝ տիկին Սիլվա Գաբլանեանի։ Տեղին է նշել, որ “Հալէպ” կազմակերպութիւնը նմանատիպ ձեռնարկներով կը շարունակէ պահպանել աւանդոյթն ու մշակոյթը, ինչպէս նաեւ այդ ձեռնարկներու հասոյթով սատար կը կանգնի կարիքաւոր ընտանիքներուն:

aleppongo
[addtoany buttons="facebook,twitter,email"]

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image