«Կենցաղավարութիւն եւ Արարողակարգ»

            «Ոչ մի պաշտօն կամ կոչում չկայ, որ հաւասար լինի եւ կարելի լինի համեմատել մարդ կոչման հետ»։                                                                                                       Յ.Թումանեան

“Հալէպ” Հայրենակցական Բարեսիրական Հասարակական Կազմակերպութեան, սոցիալ հոգեբանական աջակցութեան խմբակի,2021-ի առաջին հաւաք-ժողովը տեղի ունեցաւ 20 Յուլիս, ժամը 6-ին, ներկայութեամբ 43 անդամուհիներու: Ներկայ էին նաեւ հիւրեր եւ կազմակերպութեան տիկնանց յանձնախումբի ընկերուհիները:

           Կազմակերպութեան հիմնադիր նախագահ Տ.Անի Պալըխեան ողջունեց ներկաները նոր կեդրոնին մէջ առաջին անգամ գտնուելու առթիւ եւ խօսքը փոխանցեց սոցիալ հոգեբանական աջակցութեան յանձնախումբի անդամ՝ Բժ.Մայտա Չաւուշեանին, որ ներկայացուց օրուան դասախօսը:

           Գեղանկարիչ Տ.Սօնիա Գաբրիէլեան հիւրաբար Երեւան գտնուելով, սիրայօժար յանձն առած էր զրուցել «Կենցաղավարութիւն եւ Արարողակարգ»ի մասին:

            Տ.Սօնիա Գաբրիէլեան ծնած է Հալէպ եւ առ այսօր կ՛ապրի Հալէպի մէջ: Վկայեալ նորաձեւութիւն, զբօսաշրջութիւն, կենցաղավարութիւն մասնագիտութիւններու, անդամ է հնագիտութեան միութեան, Հալէպի արդիւնաբերութեան պալատի, «child care» պետական հաստատութեան, ներկայիս Համազգային հայ կրթական եւ մշակութային միութեան Սուրիոյ շրջանային վարչութեան:

           Եղած է Արշիլ Կորքի արուեստանոցի հիմնադիրներէն եւ երկար տարիներ դասաւանդած այնտեղ: Կը կազմակերպէ փառատօներ եւ ցուցահանդէսներ:

            Տ.Սօնիա Գաբրիէլեան խօսեցաւ կենցաղավարութեան մասին, շեշտը դնելով դաստիարակութեան վրայ:

Զրոյցը հետաքրքրական էր եւ ուսանելի: Ան կարեւորեց սուրիացի կնոջ դերը սերունդերու կերտման գործընթացին մէջ, ինչպէս նաեւ անոնց բարձր պաշտօններ զբաղեցնելու հանգամանքը, օրինակ բերելով զանազան դէմքեր, ինչպիսին են՝ Նաճահ Ալ-Աթթար, Պուսայնա Շաապան, Նորա Արիսեան եւ ուրիշներ։ Զրոյցի աւարտէն ետք երկու երգով հանդէս եկաւ օրդ. Մեղեդի Պետրոսը, որ իր գեղեցիկ կատարումով խանդավառեց ներկաները:

            Օրուան հիւրասիրութիւնը տրամադրուած էր Տ.Անի Կուրղիկեանին եւ Տ.Ազնիւ Պէրթիկեանին կողմէ: Տ.Հռիփսիմէ Թերզեան յանձնախումբին նուիրեց ձեռագործ «քրօշէ» գաւաթի տակդիրներ, ինչպէս նաեւ Տ.Մարիա Հալլաճեան եւ Տ.Անի Պալըխեան նիւթական նուիրատուութիւն կատարեցին։

Հաւաք-ժողովը փակուեցաւ հրաժեշտի ջերմ բարեմաղթանքներով։ Նշենք, որ սոցիալ հոգեբանական խմբակի հաւաքները շուտով կը դառնան հերթական, իսկ մասնակցիլ փափաքողները կարող են գրել մեր էջին։

Բժ.Մայտա Չաւուշեան

aleppongo
[addtoany buttons="facebook,twitter,email"]
Comments
Content Generator December 1, 2022

Artificial intelligence creates content for the site, no worse than a copywriter, you can also use it to write articles. 100% uniqueness, scheduled posting to your WordPress :). Click Here:👉 https://stanford.io/3FXszd0

Content Generator December 4, 2022

Artificial intelligence creates content for the site, no worse than a copywriter, you can also use it to write articles. 100% uniqueness, scheduled posting to your WordPress :). Click Here:👉 https://stanford.io/3FXszd0

Leave a Comment

Your email address will not be published. Required fields are marked *

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image