Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերական պալատի – գործարար կանանց յանձնաժողովի ատենապետուհի՝ Տ․ Անի Մարկոսեան-Ասլանեան, այցելեց «Հալէպ» ՀԲՀԿ-ի Կասկադի կեդրոնը։

Տիկին Մարկոսեանը ներկայացուց արդիւնաբերութեան գրասենեակի գործընթացը, ի մասնաւորի, Սուրիոյ ճգնաժամային օրերուն կանանց ձեռներեցութեան հզօրացման ուղղուած, ինչպէս նաեւ գրասենեակի մատուցած նիւթաբարոյական օժանդակութիւնները։ Ան նշեց, որ այս տարի յատուկ ծրագիրներ մշակուած են արհեստի դպրոցներու աշակերտները մղելու աշխատանքային ասպարէզ։

Նորանշանակ ատենապետուհին պատասխանեց ներկաներուն յուզող հարցերուն եւ մտահոգութիւններուն, ինչպէս նաեւ հաստատեց, որ Սուրիոյ արդիւնաբերական վիճակը զարգացման եւ բարելաւման ընթացքի մէջ է։

Հանդիպման ներկայ էին «Հալէպ» ՀԲՀԿ-ի նախագահ Տ․ Անի Պալխեանը, գործադիր մարմնի անդամուհիներ՝ Տ․ Թալին Չէմպերճեան եյւ Տ․ Սիլվա Գաբլանեան, ինչպէս նաեւ Տիկնանց յանձնախումբի անդամուհիները։ Ներկայ էր նաեւ կազմակերպութեան փոխ նախագահ՝ օր․ Հայասա Թահմազեանը, որ վերջերս վերադարձած է Ամերիկայէն, ուսումը աւարտելէ ետք։

Հանդիպման հիւրն էր նաեւ կազմակերպութեան Տիկնանց յանձնախումբի անդամուհիներէն լուսահոգի Տ․ Ծովիկ Հայրապետեանի քոյրը՝ Տ․ Անոյշը, որ կազմակերպութեան աշխատանքներուն մօտէն ծանօթանալէ ետք, իր բաժին աջակցութիւնը ցուցաբերեց։

aleppongo
[addtoany buttons="facebook,twitter,email"]
Bottom Image