«Հալէպ» ՀԲՀԿ-ի 8-րդ տարեդարձը

Հինգշաբթի, 28 Հոկտեմբեր 2021-ին, նշուեցաւ «Հալէպ» ՀԲՀԿ-ի հիմնադրութեան 8-րդ տարեդարձը։

Կազմակերպութեան նորաբաց  Կասկադի կեդրոնէն  ներս տեղի ունեցած համեստ տօնակատարութեան ներկայ էին՝ կազմակերպութեան հիմնադիր նախագահ՝ Տ․ Անի Պալխեան, գործադիր տնօրէն՝ Տիար Սարգիս Պալխեան, փոխ-նախագահ՝ Օր․ Հայասա Թահմազեան, գործադիր մարմնի անդամուհիներ՝ Տ․ Թալին Չէմպերճեան եւ Տ․ Սիլվա Գաբլանեան, կամաւոր Տիկնանց յանձնախումբը, ինչպէս նաեւ նախկին եւ ներկայ աշխատակիցներ։

«Հալէպ» ՀԲՀԿ-ի հիմնադիր նախագահ՝ Տ․ Անի Պալխեանը շնորհաւորելով ներկաները, բարձր գնահատեց բոլորին աշխատանքն ու աջակցութիւնը, ի մասնաւորի բարերարներուն, որոնք հաւատալով ու վստահելով կազմակերպութեան առաքելութեան սատար կանգնած են եւ կը շարունակեն կանգնիլ կազմակերպութեան ծրագրերու իրականացման գործընթացին։

Կարկանդակի հատումէն ետք, Տիար Սարգիս Պալխեան ամփոփելով կազմակերպութեան աշխատանքները միամեայ հաշուետուութիւն ներկայացուց։

Նշենք, որ 2012-ի ամռան, Սուրիոյ եւ մանաւանդ Հալէպ քաղաքի հետզհետէ թեժացող պատերազմական դժնդակ պայմաններու բերումով Հայաստան տեղափոխուող սուրիահայերու թիւի աճը եւ անոնց առջեւ ծառացած խնդիրներն ու դժուարութիւնները տեսնելով, Սուրիոյ մէջ հիմնուած «Միհրան եւ Անի Պալխեան» մշակութային հիմնադրամի նախագահ Տ․ Անի Պալխեանը բարեսիրական հասարակական կազմակերպութիւն մը ստեղծելու գաղափարը յղացաւ, նոր տեղափոխուած հայրենակիցներուն ձեռք մեկնելու նպատակով։ Երկար տարիներ միութենական եւ բարեսիրական գործունեութիւն ծաւալած խումբ մը կանայք համախմբուելով այս առաջարկին շուրջ, հիմնեցին «Հալէպ» հայրենակցական բարեսիրական հասարակական կազմակերպութիւնը։

Կազմակերպութեան հիմնադրման գործընթացին իրենց յատուկ դերն ունէին Սարգիս Պալխեանն ու Րաֆֆի Գարագաշեանը, որոնք հանդիպումներ ունենալով ոչ միայն Հայաստանի, այլ նաեւ արտերկիր  բնակող գործարարներու եւ համայնքի ներկայացուցիչներու հետ, օժանդակեցին կազմակերպութեան հիմնադրման եւ զարկ տուին յետագայ գործունէութեան։

2013-ի, Օգոստոս 17-ին տեղի ունեցաւ կազմակերպութեան հիմնադիր ժողովը, որուն ընթացքին մասնակիցները միաձայն ընտրեցին Տ․ Անի Պալխեանը, որպէս կազմակերպութեան նախագահ։

2013-ի, Հոկտեմբեր 28-ին Հայաստանի մէջ, հիմնադրուեցաւ եւ պաշտօնապէս գրանցուեցաւ «Հալէպ» հայրենակցական բարեսիրական հասարակական կազմակերպութիւնը:

2014-ի, Ապրիլ 16-ին, Ամերիկայի Միացեալ Նահանգներուն մէջ հիմնադրուեցաւ ու գրանցուեցաւ «Հալէպ» ՀԲՀԿ-ի աջակից կառոյցը՝ «Հալէպ» հասարակական կազմակերպութիւնը:

2020-էն ի վեր, «Հալէպ» ՀԲՀԿ-ի շահառու դարձած են Պէյրութի նաւահանգիստի պայթումի հետեւանքով Հայաստան տեղափոխուած լիբանանահայերը։ Ինչպէս նաեւ 44-օրեայ պատերազմի արդիւնքով տեղահանուած արցախցի հայրենակիցները։

aleppongo
[addtoany buttons="facebook,twitter,email"]

Similar Posts

Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Հատրութէն տեղահանուած ընտանիքը ունեցաւ իր տանիքը

Bottom Image