Բարեգործական նախաճաշ ի նպաստ «ՀԱԼԵՊ» ՀԿ-ի գործունեության ապահովման

2018 թվականի հոկտեմբերի 23-ին «ՀԱԼԵՊ» հայրենակցական բարեսիրական հասարակական կազմակերպության («ՀԱԼԵՊ» ՀԿ) տիկնանց խորհրդի նախաձեռնությամբ տեղի ունեցավ հերթական բարեգործական նախաճաշը։

Երաժշտության ներքո բարեգործական միջոցառման մասնակիցները վայելեցին համեղ ուտեստներ, որին հաջորդեցին բազմազան հետաքրքրաշարժ խաղերն ու վիճակահանությունը:

Բարեգործական միջոցառման շահույթը ծառայելու է «ՀԱԼԵՊ» ՀԿ-ի գործունեության շարունակականության ապահովմանը՝ նպաստելով Հայաստանում հաստատված սիրիահայ համայնքի բարօրությունն ապահովող ծրագրերին:

«ՀԱԼԵՊ» ՀԿ-ն իր խորին երախտագիտությունն է հայտնում բարեգործական նախաճաշի մասնակիցներին՝ ՀՀ-ում հաստատված սիրիահայ համայնքի խնդիրներին ուշադրություն դարձնելու և «ՀԱԼԵՊ»  ՀԿ-ի գործունեությանը աջակցելու համար։