Թագաժահր-19…Քննարկում բժ.Յովսէփ Գրիգորեանի հետ

«Հալէպ» Հայրենակցական Բարեսիրական Հասարակական կազմակերպութեան, «Սոցիալ հոգեբանական Սուրիահայերուն» ծրագրի անդամներու 5-րդ առցանց ժողով-հաւաքը տեղի ունեցաւ 5 Յունիս, 2020-ին,ժամը 13.00-ին,ներկայութեամբ 31 անդամուհիներու, ինչպէս նաեւ այլ հիւրերու: Կազմակերպութեան փոխ-նախագահ՝ Ծովիկ Պայթարեան ներկայացուց օրուան բանախօս՝ բժ.Յովսէփ Գրիգորեանի հակիրճ կենսագրականը։

Բժ.Գրիգորեան ծառայած ըլլալով Թագաժահրով հիւանդներու բաժանմունքի մը մէջ, ականատեսի վկայութեամբ, խօսեցաւ թագաժահրի փոխանցման ուղիներու, հիւանդութեան ընթացքի, բուժման,եւ կանխարգելման միջոցներու մասին: Հանգամանօրէն պատասխանեց դիտակապի մասնակիցներուն հարցումներուն:  Հանդիպումը աւարտեցաւ գոհունակ մթնոլորտի մը մէջ եւ բոլորը շնորհակալ եղան բժիշկին։

Առ ի յիշեցում, «ՀԱԼԷՊ» ՀԲՀԿ–ի «Սոցիալ–հոգեբանական աջակցութիւն սիրիահայերին» ծրագիրը կը կազմակերպուի անվճար, Հայաստան ապաստան գտած սուրիահայութեան, նպատակ ունենալով դիւրացնել եւ նեցուկ կանգնիլ մեր հայրենակիցներուն իրենց առօրեայ խնդիրները ուշադրութեան արժանի դարձնելու, մեկնակէտ ունենալով դիւրացնել իրենց հոգերն ու մտահոգութիւնները եւ վերջապէս աջակցիլ իրենց ներգրաւուածութեանը Հայաստանեան հասարակական կեանքին մէջ։

Սոյն հաւաք–հանդիպման ընթացքին կը հրաւիրուին դասախօսներ զանազան մասնագիտութիւններով, որոնք իրենց գիտելիքները եւ փորձառութիւնները կը փոխանցեն ներկաներուն։ Հանդիպումները տեղի կ’ունենան իւրաքանչիւր Ուրբաթ, ժամը՝ 13։00-ին, «ՀԱԼԷՊ» ՀԲՀԿ-ի կեդրոնէն ներս։
Հասցէ՝ ք․Երևան, Հիւսիսային պողոտա 11, – 1 յարկ (մուտքը՝ Աբովեան փողոցէն)։ Մուտքն ազատ է բոլորին համար։

Թագաժահրի պատճառով, արտակարգ իրավիճակի ընթացքին հաւաքները կը կազմակերպուին առցանց, կապը կ’ապահովէ համակարգող մարմնի կամաւոր անդամ՝ Վանիա Մսրիէ-Գարաճեանը։