Ծաղկազարդը Մայր Աթոռում

2016թ-ի մարտի 20-ին Հայաստանյայց Առաքելական Սուրբ Եկեղեցին նշեց Ծաղկազարդը` Հիսուս Քրիստոսի` Երուսաղեմ հաղթական մուտքի հիշատակը: Ծաղկազարդի օրը Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի բարձր տնօրինությամբ հռչակվել է որպես մանուկների օրհնության օր:

Տոնի առթիվ «ՀԱԼԷՊ» հայրենակցական բարեսիրական հասարակական կազմակերպության շահառու ընտանիքների թվով 100 մանուկներ Մայր Աթոռի Սոցիալական Ծառայության նախաձեռնությամբ ուղևորվել էին Էջմիածին:

Մայր Տաճարում մանուկները մասնակից դարձան հանդիսավոր ժամերգությանը, որի  ավարտին ստացան Վեհափառ Հայրապետի օրհնությունը:

Ամենայն Հայոց Կաթողիկոսն օրհնության կարգի ավարտին շնորհավորելով մանուկներին՝ ներկայացրեց տոնի խորհուրդը` նշելով, որ այսօր Փրկիչը մուտք է գործում հոգու տաճարներ, նաև եկեղեցիներ, ուր ինչպես Հայաստանից, այնպես էլ արտերկրից համախմբված են ազգի հավատավոր զավակները: Նորին Սրբությունն անդրադառնալով սիրիահայ մանուկների մասնակցությանը, ովքեր սիրիական պատերազմի պատճառով հեռացել են Սիրիայից և ապաստան են գտել Մայր Հայրենիքում, Երկնավոր Տիրոջից հայցեց, որպեսզի Իր խաղաղությունը հեղի աշխարհի տարբեր կողմերում պատերազմի տառապանքները կրող ժողովուրդների կյանքում:

Օրհնություն ստանալուց հետո Մայր Աթոռ Սբ. Էջմիածնի Սոցիալական Ծառայության տնօրեն արժանապատիվ Տ. Մարկոս քահանայի գլխավորությամբ մանուկներն ուղևորվեցին Էջմիածնի «Հրաչ և Սյուզան Թուֆայան» հայորդյաց տունը, որտեղ մասնակից դարձան տոնին նվիրված համերգին:

Տոնական միջոցառումը մեկնարկեց արժանապատիվ Տ. Մարկոս քահանայի ողջույնի խոսքով: Մանուկները միասնաբար տերունական աղոթք հնչեցրին և երգեցին Հայաստանի հանրապետության հիմնը:

Միջոցառման ավարտին մանուկներին սպասում էր հյուրասիրություն, ինչպես նաև մանուկներին համար նվերներ էին պատրաստվել Մայր Աթոռի Սոցիալական ծառայության գրասենյակի և «SOAR» բարեգործական կազմակերպության կողմից:

«ՀԱԼԷՊ» կազմակերպությունն իր խորին երախտագիտությունն է հայտնում Մայր Աթոռի Սոցիալական ծառայության գրասենյակին կազմակերպության շահառու սիրիահայ ընտանիքների թվով 100 մանուկներին Մայր Հայրենիքում խնդությամբ լի, բարության լույսով զարդարված և խնկաբույր օրհնությամբ օծված Ծաղկազարդի տոն պարգևելու համար:

Սոցիալական ծառայության կողմից իրականացված «Ծաղկազարդը Մայր Աթոռում» ծրագիրը սիրիահայ մանուկներին զգացնել տվեց Հայրենիքի հոգածությունն ու ջերմությունը:

12887437_10154226791346412_679999160_oIMG_4549IMG_455112528489_10154226795746412_1624018454_o12325713_10154226790596412_1644633871_o12528481_10154226791571412_1582877185_oIMG_4552 12422338_10154226791376412_1764268928_o12516879_10154226794236412_1726845594_o 12874153_10154226791011412_329574056_o12874429_10154226790111412_391552807_o 12874455_10154226791066412_1119709578_o IMG_4556

IMG_4586IMG_4583 IMG_458412874100_10154226788561412_1614939501_o12873481_10154226788266412_1856426684_o12874418_10154226795646412_845901507_o12443341_10154226796456412_589542107_o IMG_4587