«Հալէպ» հայրենակցական բարեսիրական հասարակական կազմակերպության` Սուրիոյ «մարտ 21» մայրերու օրուան նուիրուած համերգ

ՁՕՆ՝ ՄԱՅՐԵՐՈՒՆ

Մարտ ամիսը կը բնորոշուի բնութեան զարթօնքով ու գարնան աւետումով։

Պատահական չէ, որ համաշխարհային առումով,  պետական մարմիններ ու կազմակերպութիւններ Մարտ ամիսը նախընտրած են մեծարելու կինը ու նշելու միջազգային կանանց  տօնը, զայն նկատելով որպէս  նոր  սկիզբ, նոր հանգրուան։

Սուրիոյ տարածքին յատկանշական այս ամիսը նուիրուած է նաեւ՝ մօր կերպարին։ Հետեւաբար՝ Հայաստանի մէջ գործող նորաստեղծ «Հալէպ» հայրենակցական բարեսիրական հասարակական կազմակերպութիւնը առիթը յարմար նկատելով՝ ձեռնարկեց հանրային առաջին իր միջոցառման, որուն հիմնական նպատակն էր պատուել կինը,  ի մասնաւորի՝ սուրիացի կինն ու մայրը, լուսարձակի տակ առնելով անոնց վիճակուած դժուարին առաքելութիւնը պատերազմական ճգնաժամի այս օրերուն։

Միջոցառումը, որ կը վայելէր հովանաւորութիւնը` Հայաստանի մէջ ՄԱԿ-ի  փախստականներու հարցերով գերագոյն  յանձնակատարի գրասենեակի տնօրէնութեան, կայացաւ 26 Մարտ 2014-ի երեկոյեան ժամը 19։00-ին, Կոմիտասի անուան կամերային երաժշտութեան տան մէջ։

Բացման խօսքով (հայերէն) հանդէս եկաւ նախ՝ կազմակերպութեան նախագահ՝ տիկ. Անի Պալխեան, որ շեշտը դրաւ «Հալէպ» կազմակերպութեան ծնունդ տուող Սուրիոյ մէջ ծաւալուող երկարատեւ պատերազմական իրավիճակի գոյութեան եւ անկէ բխած մարդասիրական եւ նիւթաբարոյական այլաբնոյթ կարիքներու օժանդակութիւններու ապահովման։ Ան ներկաներուն փոխանցեց մօտիկ ապագային կարիքաւոր սուրիացիներուն յարմարաւէտ կացարաններով ապահովելու կարելութիւնը։

Ապա՝ Տիկնանց օժանդակ մարմնի ատենապետուհի՝ տիկ. Շաղիկ Բիւզանդեան (արաբերէն լեզուով)   մայրը բնութագրեց որպէս հաստատուն հենք, որուն վրայ կը կառուցուին հասարակութիւնները ։ Ան՝ մայրը ներկայացուց իբր կեանքի աղբիւր, իսկ տառապեալ սուրիացի մօր վերապահեց պայքարի, զոհողութեան ու անսակարկ սիրոյ խորհրդանիշը ըլլալու հանգամանքը։

Կազմակերպութեան երիտասարդական յանձնախումբի արտաքին կապերու բաժնի տնօրէն՝ տիար Սարգիս Պալխեան (անգլերէն լեզուով) լուսարձակի տակ առաւ մօր կերպարը, նշելով  որ սոյն միջոցառումը նուիրուած է “մայր” հասկացութեան, որ ընկերութեան մէջ որպէս անբաժան և  գործօն տարր մեծ դերակատարութիւն ունի երեխաները դաստիարակելու ճամբով ապագան կերտելու։

Անդրադառնալով սուրիական հակամարտութեան, ան հաւաստիացուց, որ Սուրիոյ յաղթանակը պիտի իրականանայ անհամար տառապանք ու զրկանք ճաշակած սուրիացի մօր ձեռքով։

Երեք խօսքերուն մէջ  ալ առանձնապէս վեր առնուած էին  մօր եւ յատկապէս` սուրիացի մօր վերապահուած առանձքային դերակատարութիւնը, սերունդներ դաստիարակելու պատասխանատու առաքելութեան մէջ։

Ապա խօսք առաւ  ՄԱԿ-ի փախստականներու հարցերով գերագոյն  յանձնակատարի գրասենեակի ներկայացուցիչ՝ Քրիսթոֆ Պիերուիթ, որ ողջունելով ներկաներն ու մասնակիցները, կարեւորեց  մօր կերպարի գոյութիւնն ու անհրաժեշտութիւնը իւրաքանչիւր անհատի կեանքին մէջ։

Յաջորդաբար բեմ հրաւիրուեցան Հայաստանի մէջ ՄԱԿ-ի փախստականներու հարցերով գերագոյն յանձնակատարի արտաքին կապերու պատասխանատու՝ տիկին Անահիտ Հայրապետեան եւ ՄԱԿ-ի փախստականներու  հարցերով գերագոյն  յանձնակատարի գրասենեակի իրաւաբանական բաժնի ղեկավար՝  Քէյթ Փուլըր, որու ձեռամբ կազմակերպութեանս Տիկնանց խորհուրդի ատենապետուհի՝ տիկ. Ծովիկ Պայթարեանին յանձնուեցաւ   յուշանուէր

Յատուկ ուշադրութեան արժանի էր գեղարուեստական յայտագիրը, որուն իրենց մասնակցութիւնը բերած էին հայրենի եւ սուրիահայ արհեստավարժ եւ սիրողական արուեստագէտներ։

Առաջին հերթին, հալէպահայ պատանի դաշնակահար՝ Սարգիս Թիւֆէնքճեանի կատարմամբ ներկաները ունկնդրեցին երկու ստեղծագործութիւններ՝ Ռախմանինով “Էլեգիա” եւ Ա. Պապաջանեան “ Քափրիչիո”։

Յակոբ ֆաքճեան տպաւորիչ մեկնաբանութեամբ ասմունքեց Սիամանթոյի “Մօր մը երազը”։

Արաբերէն ասմունքով հանդէս եկաւ  Մհեր Քէշիշեան, իսկ Պերնա Գարակիւլլէեան մեկնաբանեց You raise me up երգը։

Սուրիահայ պարման-պարմանուհիներու մասնակցութեամբ նկարահանուած տեսանիւթին մէջ,  ամենայն անկեղծութեամբ անոնք փոխանցեցին Մայրերու օրուան յատուկ իրենց մտքերն ու բարեմաղթութիւնները։ Հանդիսատեսը ապա, յուզումնախառն ապրումներով, հետեւեցաւ սուրիահայ երկու մայրերու վկայութիւններուն, որոնց զաւակները զոհուած էին  մինչ այսօր շարունակուող պատերազմի ընթացքին։

Ապա Ա. Սպենդիարեանի անուան օբերայի եւ պալէթի ազգային ակադեմիական թատրոնի մեներգիչ` հալէպահայ  արուեստագէտ Պօղոս Պէազպէկեան մեկնաբանեց երկու երգ՝ Սահարունի “Մայրիկիս” եւ “Քուրթիս Քանթա փեր մէ”։

ՄԱԿ-ի փախստականներու հարցերով գերագոյն յանձնակատարի գրասենեակի ազգային հետևորդ՝ հայրենի երգչուհի Զարուհի Բաբայեան՝ ներկայացուց “Գարնան յուշեր” երգը, որմէ ետք ան՝ փոքրիկներու երգչախումբին հետ միատեղ լուսաշող պահեր ստեղծեց “Յոյս ու սէր” եւ “Մայրիկիս” երգերու մեկնաբանութեամբ։ Մեծ ժողովրդականութիւն վայելող երգչուհին անկեղծ ու սրտաբուխ խօսքերով դիմեց հանդիսատես մայրերուն եւ յուսադրիչ խօսքերով շնորհաւորեց անոնց տօնը։

Յայտագիրը շարունակուեցաւ հալէպահայ Լեւոն Գարակիւլլէեանի արաբերէն լեզուով “Մաութինի” (հայրենիքս) երգի մեկնաբանութեամբ, որուն կ՚ընկերակցէր “Տաղարան” երաժշտական համոյթի տուտուկահար՝ Արտակ Ասատրեան. երգին  զուգընթաց` հանդիսատեսը հետեւեցաւ Սուրիոյ մասին պատրաստուած տեսերիզի ցուցադրութեան։ Ապա ընթերցուեցան նուիրատուներու անունները։

Միջոցառման վերջին բաժինը յատկացուած էր “Տաղարան” երաժշտական համոյթին, գլխաւոր դիրիժոր` Սեդրակ երկանեանի ղեկավարութեամբ։

Համոյթին իրենց մասնակցութիւնը բերած էին Ա. Սպենդիարեանի անուան օբերայի եւ պալէթի ազգային ակադեմիական թատրոնի մեներգիչ` հալէպահայ Պերճ Քարազեան, որ յայտագրի առաջին բաժինին մէջ հանդէս եկած էր նաեւ՝ “Լարա- Գրանատա” մեներգով, ինչպէս նաեւ “Տաղարան’ համոյթի մեներգիչներ՝ Յասմիկ Ասատրեան  եւ Յովսէփ Նշանեան։ Արհեստավարժ մեներգիչները  յաջորդաբար ներկայացուցին “Ո՞ւր ես մայր իմ”, “Երգշար”, “Ձայն մը հնչեց”,  “Վերի արտերում գարին”, “Կիլիկիա”, եւ “Հոյ իմ նազան” երգերը։

Միջոցառման աւարտին շնորհակալական յատուկ խօսք ուղղուեցաւ.-

ՄԱԿ-ի փախստականներու հարցերով գերագոյն յանձնակատարի գրասենեակին, յանձինս՝ պրն Քրիստոֆ Պիերուիրթին.

Կոմիտասի անուան կամերային երաժշտութեան տան ողջ անձնակազմին, յանձինս տնօրէն՝ պրն. Արման Ծատուրեանին.

“Տաղարան” համոյթին, յանձինս գեղարուեստական ղեկավար` պրն. Սեդրակ Երկանեանին.

ՄԱԿ-ի փախստականներու հարցերով գերագոյն յանձնակատարի գրասենեակի ազգային հետևորդ՝ երգչուհի Զարուհի Բաբայեանին.

Երգահան՝ Սարգիս Ադամեանին

Նկարիչ՝ Նիկոլ Գույումճեանին

Ռեժիսոր՝ Արթուր Սարիբեկեանին

Օպերատոր՝ Վահէ Հակոբեանին

Յակոբ Ֆաքճեանին, Յակոբ Գազանճեանին, Ռազմիկ Տիրարեանին, Պաղտատեան ընտանիքին. Ինչպէս նաեւ՝ ձեռնարկին իրենց մասնակցութիւնը բերած՝ Լիլիթ Բանտուրեանին, Տիանա Քարազեանին եւ միջոցառման կազմակերպութեան աջակից բոլոր կազմակերպութիւններուն, մասնակցողներուն եւ օժանդակողներուն ։

Յայտագիրը վերջ գտաւ  Մայր աթոռ Ս. Էջմիածնայ հոգեւոր հայր եւ Հալէպի մէջ երկարամեայ գործունէութիւն ծաւալած առաջնորդ՝ Գերշ. Տէր Տաթեւ Ս. Արքեպիսկոպոս Սարգիսեանի “Մայրերու օր”ուան առթիւ արտասանած յուզումնախառն սրտի խօսքով ։

“Հալէպ” ՀԲՀԿ-ի Նախագահ՝ Անի Պալխեանիխօսքը.-

Յարգարժան ներկաներ,

“Հալէպ” հայրենակցական բարեսիրականկազմակերպութեան անունով բարի գալուստի մեր ջերմ մաղթանքը կը  փոխանցենք ձեր բոլորին,  ի մասնաւորի ողջունելով   ձեզ՝ սիրելի՛ մայրեր։

Այսօր հաւաքուած ենք  այստեղ միասնաբար պատուելու ձեզ, նշելու ձեր տօնըեւ խոր ակնածանքով կրկին յիշելու եւ արժեւորելու ամենասրբազան առաքելութեան ձեզի վիճակուածըլլալու  անժխտելի իրողութիւնը ։

Ի սկզբանէ մայրը եւ մասնաւորապէս`հայ մայրը խորհրդանիշը եղած է նուիրումի ու անանձնական սիրոյ։ Ան նկատուած է որպէսամրակուռ հիմքը իր տան եւ երաշխիքը՝ առողջ ու զարգացած սերունդի գոյացման։

Շիրազարդարօրէն  կը բնութագրէ մայրը զայն հաւասարեցնելով  բարձրեալնաստուծոյ.-

Մեր տան մատուռն է մայրս,
Մեր տան ամրոցն է մայրս,
Մեր տան Աստուածն է մայրս.

 

Պատմութեանընթացքին մայրական ընթացիկ պատասխանատուութեան կողքին Հայ Մայրըառանցքային դեր կատարած է յատկապէս` երբ  դէմյանդիման գտնուած է աղէտներու ու պատերազմներու, այնպէս` ինչպէս այս օրերուն, երբ ամբողջաշխարհ ձմրան թմբիրը թոթափելով  գրկաբաց կ՚ընկալէգարնան ծաղկումը, մինչ Սուրիական մեր երկրորդ հայրենիքէն ներս սուրիացի մօր վիճակուածէ տառապանքի դառն բաժակէն ըմպել ամենադաժան մրուրը, դառնալ՝  անօթեւան , թափառական. Ճաշակել՝  ցաւերուն յոռեգոյնը՝ ընտանիք ու զաւակներ կորսնցնելուդժբախտութիւնը։

Արդ, նորաստեղծ “Հալէպ” բարեսիրականկազմակերպութիւնը, որպէս անհրաժեշտութիւն, ծնունդ առած է Հայաստանի մէջ,  իբր հետեւանք՝ Սուրիոյ  մէջ ծաւալուող երկարատեւ պատերազմական իրավիճակին,նպատակ ունենալով  մարդասիրական եւ նիւթաբարոյական օժադակութիւն ցուցաբերելՍուրիոյ եւ Հայաստանի մէջ գտնուող սուրիացի կարիքաւոր քաղաքացիներուն անխտիր։

Տեղին է նշել, որ կազմակերպութեան ծրագրին մաս կըկազմէ նաեւ` Հայաստանի մէջ բնակութիւն հաստատած կարիքաւոր սուրիացիներուն կացարանովապահովելու հեռանկարը, որ մօտ ապագային իսկ իրականութիւն դառնալու ընթացքին մէջ է։

Մարտ ամիսը համաշխարհային առումովնուիրուած է կնոջ կերպարին։ Մայր հասկացութիւնը համամարդկային երեւոյթ եւ արժէք կըներկայացնէ։ Իսկ Սուրիոյ  տարածքին՝ Մարտ ամիսըկը բնորոշուի կին-մայր անքակտելի գոյակցութիւններու երախտապարտ յիշատակութեամբ։

Հետեւաբար` այս առիթը յամար նկատելով ծրագրեցինք Մարտ ամսու մէջ նշել Մայրերուօրուան տօնակատարութիւնը, զայն ձօնելով յատկապէս՝ Սուրիոյ մէջ տառապեալ բոլոր մայրերուն,այն մեծ համոզումով, որ վաղուան նոր եւ լուսաշող կեանքի հեռանկարով  ուժեղցած մայրեր, պիտի   մխիթարուին ու կրկին լծուին իրենց առաքելութեան.իսկ իրենցմէ բխած բարութիւնն ու սէրը պիտի ընդարձակուի ու հասնի մինչեւ անպարագիծ տարածքներ։

Այս առթիւ շնորհակալական մեր խօսքըկ՚ուղղենք կազմակերպութեանս աջակից եւ գործակից բոլոր այլ մարդասիրական հիմնարկներուն , յատկապէս՝այսօրուայ միջոցառման հովանաւոր՝ Հայաստանի մէջ ՄԱԿ-ի  փախստականներու հարցերով գերագոյն յանձնակատարիգրասենակի  տնօրէնութեան։

Շնորհակալութիւն՝ իրենց ներկայութեամբմեզ պատուած հոգեւոր հայրերուն, Սփիւռքինախարարուհիին, տարբեր նախարարութիւններու եւ կազմակերպութիւնններու ներկայացուցիչներունեւ հիւրերուն, որոնց ներկայութեամբ առաւե՛լ կը հզօրանանք ու առաւե՛լ քաջալերուած կըծաւալենք  յառաջիկայ մեր գործունէութիւնը։

Շնորհակալութիւն՝ Կոմիտասի անուանկամերային երաժշտութեան տան տնօրէնութեան` այսօրոանմիջոցառման առթիւ ցուցաբերած օժանդակութեան եւ գործակցութեան գծով։

Վարձքը կատար բոլոր մասնակիցներուն,որոնց ներկայութեամբ առաւե՛լ արժեւորուեցաւ եւ առաւե՛լ  իմաստալից դարձաւ նշեալ տօնը։

եւ վերջապէս` շնորհակալութեան ամենամեծբաժինը ձեզի կը յատկացնենք  սիրելի՛ մայրեր,որ ներկայ էք մեր կեանքին մէջ ինչպէս լուսարձակ փարոսներ։

Վկայակոչելով Չարենցի տողերը կը հաւատանք,  որ մայրն է խիղճը մարդկութեան, որուն առաքինի ուբարի գործերով  պիտի ողողուի  մարդկութեան հոգին։

(թէ որ մայրը կայ, խիղճը չի մեռնի

թէ որ խիղճը կայ, աստուած կը յառնի)։

Խոր ակնածանք ու երախտիք սրբագինմայրերուն։