«ՀԱԼԷՊ» ՀԲՀԿ․ Մանկապատանեկան հավաքներ սիրիահայ մանուկների համար

 

«ՀԱԼԷՊ» հայրենակցական բարեսիրական հասարակական կազմակերպության կենտրոնում ս/թ․ մարտի 4-ին սիրիահայ մանուկները կրկին համախմբվել էին կազմակերպության նախաձեռնությամբ իրականացվող մանկապատանեկան հավաքի շուրջ։

Փորձառու ուսուցիչների ուղղորդությամբ մանուկներն ու պատանիները արդեն պատրաստվում են Սբ․Հարության տոնին և տանում են նախապատրաստական աշխատանքներ՝ Հայ Առաքելական Եկեղեցու տաղավար տոնին նվիրված ձեռային աշխատանքներ պատրաստելու համար։

Մանկապատանեկան հավաքի ընթացքում երեխաները նաև պատմեցին փոքրիկ պատմություններ արաբերենով և այնուհետև թարգմանեցին հայերեն։

Նրանք մասնակից դարձան տարատեսակ խաղերի, որոնք անբաժանելի մասն են կազմում մանկապատանեկան հավաքների։

Մանկապատանեկան հավաքների կազմակերպման ու իրականացման գործում կարևորագույն դերակատարում ունեն մանկապատանեկան հավաքների ուսուցչական և համակարգող անձնակազմը՝ հանձինս Նաիրի Շեկոյանի, Սիրանուշ Գումրույանի, Վարդենի Դիրարյանի, Արազ Շեկոյանի և Հենա Ափոշյանի, ովքեր ջանք ու եռանդ չեն խնայում Հայաստանում գտնվող սիրիահայ մանուկների և պատանիների ազատ ժամանակը հավուր պատշաճի կազմակերպելու համար։

«ՀԱԼԷՊ» ՀԲՀԿ-ի նախաձեռնած մանկապատանեկան հավաքների նպատակը սիրիահայ մանուկներին և պատանիներին տրամադրելն է գիտելիքներ և հմտություններ, որոնք անձի զարգացման համար մեծ նշանակություն ունեն։

Հիշեցնենք՝ «ՀԱԼԷՊ» ՀԲՀԿ-ի մանկապատանեկան հավաքներն անց են կացվում ամեն շաբաթ օր, ժամը 15:00-ից մինչև 17:30-ը, 4-ից 9-ը և 10-ից 16 տարեկան երեխաների համար:

Մանկապատանեկան հավաքների անցկացման վայրն է «ՀԱԼԷՊ» ՀԲՀԿ-ի կենտրոնը։ Հասցե՝ ք. Երևան, Վարդանանց 8ա:

Մանկապատանեկան հավաքներին մասնակցելու համար խնդրում ենք զանգահարել 010 54 53 69 կամ 098 54 53 61 հեռախոսահամարներին։

17198013_1046730132094091_382700354_n 17141607_1046730072094097_1501246259_n 17160821_1046730098760761_518419872_n 17124829_1046730078760763_1922882246_n 17160730_1046730128760758_1844011956_n