«ՀԱԼԷՊ» ՀԲՀԿ-ում շարունակվում են մանկապատանեկան հավաքները սիրիահայ մանուկների և պատանիների համար

«ՀԱԼԷՊ» հայրենակցական բարեսիրական հասարակական կազմակերպության կենտրոնում ս/թ․ հունվարի 28-ին սիրիահայ մանուկները կրկին համախմբվել էին մանկապատանեկան հավաքի շուրջ։

Այս անգամ սիրիահայ մանուկներն ու պատանիները ծանոթացան Տեառնընդառաջի տոնի պատմությանը, մասնակից դարձան երաժշտության հանդեսին, դիդակտիկ խաղերին, ինչպես նաև սովորեցին պատրաստել ու գունազարդել յուրահատուկ թղթե լուսամփոփներ։

«ՀԱԼԷՊ» ՀԲՀԿ-ի նախաձեռնած մանկապատանեկան հավաքների նպատակը սիրիահայ մանուկներին և պատանիներին տրամադրելն է գիտելիքներ և հմտություններ, որոնք անձի զարգացման համար մեծ նշանակություն ունեն։

Հիշեցնենք՝ «ՀԱԼԷՊ» ՀԲՀԿ-ի մանկապատանեկան հավաքներն անց են կացվում ամեն շաբաթ օր, ժամը 15:00-ից մինչև 17:30-ը, 4-ից 9-ը և 10-ից 16 տարեկան երեխաների համար:

Մանկապատանեկան հավաքների անցկացման վայրն է «ՀԱԼԷՊ» ՀԲՀԿ-ի կենտրոնը։ Հասցե՝ ք. Երևան, Վարդանանց 8ա:

Մանկապատանեկան հավաքներին մասնակցելու համար խնդրում ենք զանգահարել 010 54 53 69 կամ 098 54 53 61 հեռախոսահամարներին։

16443677_1191931474255345_1380254718_n 16425428_1191931464255346_1205122615_n 16402204_1191931447588681_1630254552_n 16426411_1191931420922017_234013180_n 16441370_1191931424255350_467550713_n 16344250_1191931377588688_1596132314_n 16443700_1191931380922021_885296789_n