Ս/թ․ հունվարի 24-ին «ՀԱԼԷՊ»  հայրենակցական բարեսիրական հասարակական կազմակերպության կենտրոնում սիրիահայերի մասնակցությամբ կրկին կայացավ ֆինանսական թեմայով դասընթաց։

Հանդիպման ընթացքում քննարկվող  հիմանական թեմաներն են անձնական  բյուջեի արդյունավետ կառավարումը, բանկային հաշիվները և վճարային քարտերը, խնայողությունները, սեփական շահերի պաշտպանությունը, ֆինանսական զեղծարարություններից պաշտպանվելը և այլ թեմաներ։

Դասընթացները կազմակերպվում են Միջազգային համագործակցության գերմանական խնայաբանկերի հիմնադրամի կողմից՝ Գերմանիայի միջազգային համագործակցության ընկերության կողմից ֆինանսավորվող «Սիրիահայերի տնտեսական ինտեգրումը Հայաստանում» ծրագրի շրջանակում:

Դասընթացները կկրեն շարունակական բնույթ, ուստի շտապեք մաս կազմել նրան։

Բոլոր այն սիրիահայերը, ովքեր ցանկանում են մասնակցել «Ֆինանսական համակարգը ՀՀ-ում» թեմայով անվճար դասընթացներին, խնդրում ենք զանգահարել  010 54 53 69 կամ 098 54 53 61 հեռախոսահամարներին: