Նիւթական եւ հոգեւոր Արժէքներ «Նիւթական արժէքները անցողիկ են, իսկ հոգեւոր արժէքները մնայուն»

«Հալէպ» Հայրենակցական Հասարակական Բարեսիրական Կազմակերպութեան, «Սոցիալ-հոգեբանական սիրիահայերին» ծրագրի առցանց 6-րդ հաւաք-ժողովը տեղի ունեցաւ Ուրբաթ՝ 19 Յունիս, 2020-ին, ժամը 13.00-ին, 24անդամուհիներու մասնակցութեամբ:

«Հալէպ» Հ.Բ.Հ.կ.-ի հիմնադիր փոխ նախագահ Ծովիկ Մակարեան-Պայթարեանը, մասնակիցները ողջունելէ ետք, ներկայացուց օրուան հիւրը՝ հալէպահայ Սեւան Քելէշեան, որ հեղինակն է, խմբագիրն ու հաղորդավարը «Ի՞նչ կ՚ըսեմ, ի՞նչ կ՚ըսես» հաղորդման: Առցանց Հանդիպման նիւթն էր՝ «նիւթական եւ հոգեւոր արժէքներ»:

Օր. Սեւան առաջին հերթին ծանօթացաւ իւրաքանչիւր մասնակցի սեղմ կենսագրութեան, ապա անցաւ նիւթին մատուցման: Ան թուեց որոշ նիւթական եւ հոգեւոր արժէքներ, խօսեցաւ անոնց տարբերութիւններուն մասին եւ կարեւորեց հոգեւոր արժէքները:

Անհատը իր կեանքին ընթացքին կրնայ ձգտիլ տարբեր բնոյթի արժէքներու որոշ մարդիկ նիւթական իսկ որոշ մարդիկ հոգեւոր: Նիւթական արժէքներ են՝ հարստութիւնը, գեղեցկութիւնը, տիտղոսն ու պաշտօնը։ Հոգեւոր արժէքներ են՝ ուրախութիւնը, խաղաղութիւնը,  դաստիարակութիւնը եւ աշխատասիրութիւնը։ Այս արժէքները իրար հետ խիստ կապ ունին, եւ բնորոշ չեն տարիքի մը: Իսկ հասնելու համար ոեւէ արժէքի կամ նպատակի պէտք է.- Ա.Գիտնալ ճիշտ որոշում առնել, տրամաբանական եւ իրագործուող։

Բ.Յարատեւ աշխատանք տանիլ, ըլլալ հետեւողական։
Գ.Ծրագիր դնել։
Դ.Համբերել եւ չյուսահատիլ։
Ե.Գիտելիքներ ունենալ։
Զ.Հաւատալ անձնական ոյժերուն։
Է.Գնահատել ինքզինք նուաճումներուն համար։
Զրոյցը ընթացաւ կարծիքներու փոխանակմամբ, որմէ ետք մասնակիցները իրար հրաժեշտ տուին ջերմ ու շնորհակալական խօսքերով:

Առ ի յիշեցում, «ՀԱԼԷՊ» ՀԲՀԿ–ի «Սոցիալ–հոգեբանական աջակցութիւն սիրիահայերին» ծրագիրը կը կազմակերպուի անվճար, Հայաստան ապաստան գտած սուրիահայութեան, նպատակ ունենալով դիւրացնել եւ նեցուկ կանգնիլ մեր հայրենակիցներուն իրենց առօրեայ խնդիրները ուշադրութեան արժանի դարձնելու, մեկնակէտ ունենալով դիւրացնել իրենց հոգերն ու մտահոգութիւնները եւ վերջապէս աջակցիլ իրենց ներգրաւուածութեանը Հայաստանեան հասարակական կեանքին մէջ։

Սոյն հաւաք–հանդիպումի ընթացքին կը հրաւիրուին դասախօսներ զանազան մասնագիտութիւններով, որոնք իրենց գիտելիքները եւ փորձառութիւնները կը փոխանցեն ներկաներուն։

Հանդիպումները տեղի կ’ունենան իւրաքանչիւր Ուրբաթ, ժամը՝ 13։00-ին, «ՀԱԼԷՊ» ՀԲՀԿ-ի կեդրոնէն ներս։ Հասցէ՝ ք․Երևան, Հիւսիսային պողոտա 11, – 1 յարկ (մուտքը՝ Աբովեան փողոցէն)։

Նոր Թագաժահրի պատճառով մեկուսացման ընթացքին, հանդիպումը տեղի կ’ունենայ տեսակապով, որ կ’ապահովէ համակարգող մարմնի կամաւոր անդամ Վանիա Մսրիէ-Գարաճեան: Մուտքը ազատ է բոլորին համար:

Բժ.Մայտա Չաւուշեան