Նվեր քարտեր սիրիահայ ընտանիքներին սնունդ գնելու համար

Ամանորի նախաշեմին «ՀԱԼԷՊ» հայրենակցական բարեսիրական ՀԿ-ում սիրիական հակամարտության հետևանքով Հայաստանում հաստատված սիրիահայ ընտանիքները ստացան նվեր քարտեր սնունդ գնելու համար։

Նախատոնական այս օրերին հնարավոր եղավ իրականացնել այս մարդասիրական օգնության տրամադրումը միայն մի խումբ սրտացավ բարերարների շնորհիվ, ովքեր դրսևորելով բարի կամք՝ իրենց նպաստը բերեցին Հայաստանում գտնվող կարիքավոր ընտանիքներին օգնություն ցուցաբերելուն։

«ՀԱԼԷՊ» ՀԲՀԿ-ն իր խորին երախտագիտությունն է հայտնում բարերարներին կազմակերպության գործունեությանը վստահելու և իրենց ուրույն ներդրումն ունենալու Հայաստանում գտնվող սիրիահայ ընտանիքների կարիքների դիմագրավման հարցում։