Ս/թ. hոկտեմբերի 18-ին և 20-ին «ՀԱԼԷՊ» հայրենակցական բարեսիրական հասարակական կազմակերպության կենտրոնում  կազմակերպվեց «Ֆինանսական համակարգը ՀՀ-ում» թեմայով անվճար դասընթացների շարքը սիրիահայ ընտանիքների համար:

Դասընթացներն իրականացվում են Միջազգային համագործակցության գերմանական խնայաբանկերի հիմնադրամի կողմից՝ Գերմանիայի միջազգային համագործակցության ընկերության կողմից ֆինանսավորվող «Սիրիահայերի տնտեսական ինտեգրումը Հայաստանում» ծրագրի շրջանակում:

Դասընթացները շատ կարևոր նշանակություն ունեն Հայաստանում ապաստանած սիրիահայ ընտանիքների համար, քանի որ կան մի շարք տարբերություններ և առանձնահատկություններ  Հայաստանի և Սիրիայի ֆինանսական համակարգերում:

Դասընթացների մասնակիցները սովորեցին ավելի արդյունավետ կառավարել սեփական դրամական միջոցները: Ինչպես նաև տեղեկություն ձեռք բերեցին, թե ինչպես կարող  են պաշտպանել սեփական իրավունքները ֆինանսական դաշտում, ինչպես ավելի արդյունավետ օգտվեն Հայաստանի բանկերի մատուցած ծառայություններից և այլն:

Դասընթացներն ուղեկցվեցին բուռն քննարկումներով, որից հետո  մասնակիցները հեռացան ավելի վստահ, քանի որ ծանոթացան Հայաստանում գործող ֆինանսական համակարգին   և  համակարգի նրբություններին։

Այն սիրիահայերը, ովքեր ցանկանում են մասնակցել «Ֆինանսական համակարգը ՀՀ-ում» թեմայով անվճար դասընթացներին, խնդրում ենք զանգահարել 010 54 53 69 կամ 098 54 53 61 հեռախոսահամարներին:

«Ֆինանսական համակարգը ՀՀ-ում» թեմայով անվճար դասընթացների կազմակերպումը «ՀԱԼԷՊ» ՀԲՀԿ-ում կրելու է շարունակական բնույթ: