Սոցիալ-հոգեբանական աջակցութիւն սիրիահայերին ծրագրի 2020թ․ առաջին հանդիպումը

«Հալէպ»Բարեսիրական Հասարակական կազմակերպութեան,«Սոցիալ Հոգեբանական Աջակցութիւն Սիրիահայերին»համակարգող մարմինը, 2020թուականի իր առաջին հաւաք-ժողովը գումարեց Ուրբաթ, 31 Յունուարին.ժամը 1.30ին.«Հալէպ»Հ.Բ.Հ . Կ.ի կեդրոնէն ներս,ներկայութեամբ30 անդամուհիներու:

Օրուան հիւրն էր՝ Արգաւանդի Ս.Սարգիս եկեղեցւոյ քահանայ՝Տ.Գրիգոր Յովհաննիսեանը. «Հալէպ»Հ.Բ.Կ ի հիմնադիր փոխ նախագահ՝ Ծովիկ Մակարեան-Պայթարեան ողջունեց ներկաները,եւ խօսքը փոխանցեց Տ. Գրիգոր Յովհաննիսեանին։ Քահանան,Ս.Ծննդեան առիթով շնորհաւորեց ներկաները,փոխանցեց իր բարեմաղթանքները եւ տնօրհնէքի կարգ կատարեց. Ան իր պատգամը սկսաւ ընթերցումով Մաթէոսի Աւետարանէն, համարներով, մեկնաբանեց զանոնք եւ շեշտեց հոգեւոր կեանքի կարեւորութիւնը մարդուն աշխարհիկ կեանքին ընթացքին,նաեւ ներկաներուն պատմեց Երուսաղէմ իր վերջերս կատարած այցելութեան, այնտեղ, Հայաստանեայց եկեղեցւոյ ունեցող կարեւոր դերին, Հայ եկեղեցւոյ եւ հայ համայնքի ներկայութեան մասին,այլ ազգութիւններու եւ համայնքներու կողքին: Ներկաներուն հարցերուն տուաւ սպառիչ պատասխաններ: Հանդիպումը աւարտեցաւ պահպանիչով:

Բժ.Մայտա Չաւուշեան

Առ ի յիշեցում, «ՀԱԼԷՊ» ՀԿ–ի «Սոցիալ–հոգեբանական աջակցութիւն սիրիահայերին» ծրագիրը կը կազմակերպուի անվճար, Հայաստան ապաստան գտած սուրիահայութեան, նպատակ ունենալով դիւրացնել եւ նեցուկ կանգնիլ մեր հայրենակիցներուն իրենց առօրեայ խնդիրները ուշադրութեան արժանի դարձնելու, մեկնակէտ ունենալով դիւրացնել իրենց հոգերն ու մտահոգութիւնները եւ վերջապէս աջակցիլ իրենց ներգրաւուածութեանը Հայաստանեան հասարակական կեանքին մէջ։ Սոյն հաւաք–հանդիպումի ընթացքին կը հրաւիրուին դասախօսներ զանազան մասնագիտութիւններով, որոնք իրենց գիտելիքները եւ փորձառութիւնները կը փոխանցեն ներկաներուն։

Հանդիպումները տեղի կ’ունենան իւրաքանչիւր Ուրբաթ, ժամը՝ 13։00-ին, «ՀԱԼԷՊ» ՀԲՀԿ-ի կեդրնէն ներս։

Հասցէ՝ ք․Երևան, Հիւսիսային պողոտա 11, – 1 յարկ (մուտքը՝ Աբովեան փողոցէն)։

Մուտքն ազատ է բոլորի համար։