«Սոցիալ-հոգեբանական աջակցութիւն սիրիահայերին» ծրագրի հերթական հանդիպումը «Ըլլանք առողջ» թեմայով

Ուրբաթ, 7 Յունիս, 2019-ին «Հալէպ» Հայրենակցական Բարեսիրական Հասարակական  Կազմակերպութեան «Սոցիալ-հոգեբանական աջակցութիւն սիրիահայերին» ծրագրի մասնակից 55 անդամները ներկայ գտնուեցան «Հալէպ» ՀԲՀԿ-ի կեդրոնէն ներս:

Բացումը կատարեց «Հալէպ» ՀԲՀԿ-ի հիմնադիր փոխ նախագահ Ծովիկ Մակարեան-Պայթարեանը: Ներկաները ողջունելէ ետք, ան ներկայացուց հաւաքին գլխաւոր օրակարգը: Առաջին օրակարգն էր՝ World Vision Armenia-ի յայտարարութիւնը, սիրիահայերու և տեղացիներու համար պիզնեսի աջակցութեան ծրագիրը: Վերոյիշեալ ծրագիրը ներկաներուն փոխանցեց World Vision Armenia-ի ներկայացուցիչ՝ Արևիկ Աբրահամեանը: Սոյն ծրագրին կրնան դիմել փախստականի կարգավիճակ ունեցող անձինք և ՀՀ քաղաքացիներ, որոնք ունին պիզնես գաղափար կամ ոչ աւելի քան երեք տարի գրանցուած պիզնես:

Ծրագրի մէջ ընդգրկուած անձերը կը մասնակցին պիզնեսի զարգացման, պիզնեսի ծրագրերու մշակման շուկայավարման դասընթացքներու: Լաւագոյն պիզնես ծրագիրը կը ստանայ ֆինանսական աջակցութիւն մինչև 3500 ԱՄՆ Տոլար, իրենց պիզնեսի իրականցման համար:

Վերնոշեալ ծրագրին համար եղան կարգ մը լուսաբանական հարցումներ, իսկ փափաքողներուն տրամադրուեցաւ դիմում-յայտ թերթիկներ լրացնելու համար:

«Ըլլանք առողջ» շրջագծով հրաւիրուած էր՝ Սօսի Սէմերճեան-Խշուաճեանը: Ան ներկայացուց իր հակիրճ կենսագրականը տուեալ ասպարէզին մէջ: Ան անդրադարձաւ մարմանակրթութեան և առողջ սնունդի անհրաժեշտութեան և օգտակարութեան: Շեշտեց թէ մարզանքը միշտ իր օգուտը ունի մեր կեանքին մէջ, նախընտրելի է զայն կիրարել բոլոր տարիքներուն ըստ կարիքի և յարմարութեան ու մասնագէտի ցուցմունքներով և հսկողութեան տակ:

Դասախօսը իր գործնական, անմիջական և կենդանի ցուցմունքները փոխանցեց ներկաներուն: Ինչպէս նաև տրամադրեց իրենց նուէր-քարտեր մէկ այցելութեան համար Alex Fitness-ի Womens’ Fitness club, որուն համար շնորհակալ ենք Սօսի Սէմերճեան-Խշուաճեանէն:

«Սոցիալ-հոգեբանական աջակցութիւն սիրիահայերին» ծրագիրը կը կազմակերպուի անվճար հիմունքներով: Նպատակն է օժանդակել սուրիական հակամարտութեան մէջէն անցած և դժուար դրութեան մէջ յայտնուած անձերու օգտակար ըլլալ և նպաստել իրենց ներգրաւմանը Հայաստանեան քաղաքացիական կեանքին մէջ; Հաւաք-հանդիպմուներուն ընթացքին կը հրաւիրուին  դասախօսներ զանազան մասնագիտութիւններով, իրենց գիտելիքները և փորձառութիւնները փոխանցելու համար ներկաներուն:

Ծովիկ Մակարեան-Պայթարեան