«Սոցիալ-հոգեբանական աջակցություն սիրիահայերին» ծրագրի անդամները այցելեցին Երևանի այգիներ

Ուրբաթ, 14 Յունիս, 2019-ին, “Հալէպ” հայրենակցական բարեսիրական հասարակական կազմակերպութեան “Սոցիալ հոգեբանական աջակցություն սիրիահայերին” ծրագրի մասնակից 55 անդամները այցելեցին Երևանի կեդրոն համայնքի մէջ գտնուող 3 այգիները՝ Կիրովի անուան մանկական այգի (հիմնուած 1933-ին), Անգլիական այգին կամ Երևանի թատերական-Սունդուկեան այգին, որ Երևանի առաջին այգին է (հիմնուած 1850-ին, պաշտօնապէս բացուած է 1910-ին). ինչպէս նաև Երևանի 2800 ամեակին նուիրուած նորակառոյց շքեղ այգին (Վարդանեան ընտանիքի նուիրատուութեամբ)։ 

“Հալէպ” ՀԲՀԿ_ի հիմնադիր փոխ-նախագահ Ծովիկ Մակարեան-Պայթարեան մասնակից անդամներուն ներկայացուց այգիներու ամփոփ պատմականը, ինչպէս նաև անդրադաձաւ այգիների մէջ զետեղուած կարգ մը յուշակոթողներու, քանդակներու և կիսանդրիներու հետ առընչուող տեղեկութիւններ։

Ծրագրի հիւր մարմնավարժ՝ Սօսի Խշուաճեան-Սէմէրճեանի ցուցմունքներով ներկաները մեծ ոգեւորութեամբ կատարեցին քանի մը մարզական ձևեր։

Հաւաքին հիւրաբար ներկայ էր նաև Սալբի Ագարակեանը, որ իր բժշկական գիտելիքներն ու փորձառութիւնը կիսուեցաւ ներկաներուն հետ։

Աւարտին բաժնուեցաւ Մարիա Նալշաճեանի կողմէ տրամադրուած հիւրասիրութիւնը։

Առ ի յիշեցում, «Հալէպ» ՀԲՀԿ-ի Սոցիալ-Հոգեբանական աջակցութիւն Սիրիահայերին» ծրագրի շրջանակներուն կը կազմակերպուի թեմատիկ հանդիպումներ եւ մշակութային ճանաչողական այցեր, հանդիպումներ, որոնք թոյլ կու տան ծրագրի մասնակիցներուն ստանալ սոց-հոգեբանական աջակցութիւն նոյնպէս գրասենիակէն դուրս: Նման գործունէութիւնը կը նպաստէ կանանց սոցիալ-հոգեբանական վերականգմանը եւ կը խթանէ իրենց սոցիալ-մշակութային, հոգեկան, ֆիզիքական, կրթական ու գիտական զարգացմանը: Սոցիալ-Հոգեբանական աջակցութիւն Սիրիահայեիրին» ծրագիրը կը կազմակերպուի անվճար հիմունքներով:

*Ծովիկ Մակարեան-Պայթարեան