«Սոցիալ-հոգեբանական աջակցություն սիրիահայերին» ծրագրի հերթական հանդիպումը դրական և բացասական ներուժի մասին

Սոցիալ հոգեբանական խմբակի հերթական հանդիպումը տեղի ունեցաւ Ուրբաթ՝ 29 Մարտ 2019-ին, ժամը 2-ին, 45 ընկերուհիներու ներկայութեամբ: Հանդիպումը վարեց «ՀԱԼԷՊ» հայրենասիրական բարեսիրական հասարակական կազմակերպութեան հիմնադիր փոխ նախագահ՝ Ծովիկ ՄակարեանՊայթարեան:

Հանդիպման հիւրն էր՝ 25 տարուան հայրենաւանդ մանակավարժ-մանակապարտիզպանուհի, “Գանձասար” շաբաթաթերթի աշխատակից, ինչպէս նաև “Գանաձասար”-ի “Կկու” յաւելուածի և “Շաւիղ” թերթի հիմնադիր ու նախկին խմբագիր, ասմունքող՝ Այտա Մինասեանը: Օրուան նիւթն էր՝ «Դրական և բացասական ներուժի փոխ ազդեցութիւնը մեր կեանքին մէջ»:

Այտա Մինասեան, իր խօսքին սկիզբը, շնորհակալութիւն յայտնեց «ՀԱԼԷՊ» ՀԲՀԿ-ին, զինք հիւրընկալելու և առիթը ընծայելու, որ իր ուսումնասիրած գիտելիքները փոխանակէ ներկաներուն հետ: Ան նշեց, թէ տիեզերքի մէջ գոյութիւն ունի աստուածային ուժ, որ դրական ներուժ կը տարածէ: Ան խօսեցաւ ներաշխարհի կարավառման անհրաժեշտութեան, ինչպէս նաև՝ աղօթքով, բարեսիրութեամբ, բոյսեր խնամելով բացասականը վանելու ձևերու մասին:

Երաժշտութեան պարգեւած դրական մեծ ներուժի մասին խօսելէ ետք, ներկաները ոգեւորուած և բարձր տրամադրութեամբ երգ ու պարով աւարտեցին հանդիպումը:   

Առ ի յիշեցում, «ՀԱԼԷՊ» ՀԲՀԿի «Սոցիալհոգեբանական աջակցություն սիրիահայերին» ծրագիրը կը կազմակերպուի անվճար: Հանդիպումներու նպատակն է օժանդակել սուրիական հակամարտութեան մէջէն անցած և ծանր հոգեբանական դրութեան մէջ յայտնուած անձերու վերականգնման գործընթացին և նպաստելու իրենց ներգրաւումը հայաստանեան քաղաքացիական կեանքին մէջ:

Սոյն հաւաքհանդիպումի ընթացքին կը հրաւիրուին դասախօսներ, որոնք իրենց գիտելիքները և փորձառութիւնները կը փոխանցեն ներկաներուն:

Վանիա Մսրիէ-Գարաճեան