«ՀԱԼԷՊ» ՀԲՀԿ-ը մասնակցեց գումարային տեսքով մարդասիրական օգնության վերաբերյալ աշխատանքային հանդիպմանը

2016թ-ի մայիսի 6-ին ՄԱԿ ՓԳՀ հայաստանյան գրասենյակի նախաձեռնությամբ տեղի ունեցավ աշխատանքային հանդիպում գումարային տեսքով աջակցության վերաբերյալ: Հանդիպումը մասնավորապես վեր հանեց փախստականների հետ աշխատանքի ենթատեքստում կանխիկ դրամական գործարքների նպատակը, շրջանակը, հիմնավորումը և իրականացման փուլերը:

Խնդրով հետաքրքրված և մարդասիրական գործունեություն իրականացնող մասնակից տեղական և միջազգային կազմակերպությունների շարքում էր նաև «ՀԱԼԷՊ» հայրենակցական բարեսիրական հասարակական կազմակերպությունը՝ ի դեմս կազմակերպության հիմնադիր նախագահ Անի Բալխյանի և ծրագրերի համակարգող Հայասա Թահմազյանի:

Հանդիպման ընթացքում մասնակից կառույցների ներկայացուցիչներն աշխատանքային խմբերի միջոցով քննարկեցին որպես մարդասիրական օգնություն տրվող կանխիկի հրատապ աջակցության և բնակարանի վարձի փոխհատուցման, ինչպես նաև սեռով և գենդերով պայմանավորված բռնության ենթարկված փախստական անձանց գլխավոր մարտահրավերները:

Աշխատանքային հանդիպումը ծառայեց հարթակ կանխիկ դրամական գործարքների մեխանիզմների զարգացման և հզորացման, ինչպես նաև աշխատանքային փորձառության փոխանակման և համագործակցություններ ձեռք բերելու համար:

Admin Author

Similar Posts

«Հալէպ» ՀԲՀԿ-ի 8-րդ տարեդարձը

Այցելութիւններ «Հալէպ» ՀԲՀԿ-ի կեդրոն
Այցելութիւններ «Հալէպ» ՀԲՀԿ-ի կեդրոն

Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա

Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը

Համաշխարհային եկեղեցիներու ազգային խորհուրդի նախագահ եւ «Հալէպ»

Bottom Image