Նորություններ
«ՀԱԼԷՊ» ՀԲՀԿ-ում հյուրընկալվել էր ՀՀ-ում Հնդկաստանի Հանրապետության արտակարգ և լիազոր դեսպանը
«ՀԱԼԷՊ» հայրենակցական բարեսիրական հասարակական կազմակերպությունը ս/թ. սեպտեմբերի 10-ին բացառիկ հնարավորություն էր ընձեռել Հայաստանում հաստատված սիրիահայ երիտասարդներին՝ հանդիպելու Հայաստանի Հանրապետությունում Հնդկաստանի Հանրապետության արտակարգ և լիազոր դեսպան Յոգեշվար Սանգվանին։
Հանդիպումը կազմակերպվել էր «Սիրիահայ երիտասարդները հանուն ավելի լավ ապագայի Հայաստանում» ծրագրի շրջանակում։
«Մարդու իրավունք, երիտասարդների դերը, երիտասարդական նախաձեռնությունների ազդեցությունը տարբեր երկրներում» թեմայի համատեքստում արտակարգ և լիազոր դեսպան Յոգեշվար Սանգվանին հանդիպման ներկաներին ներկայացրեց Հնդկաստանում առկա հնարավորությունները երիտասարդների համար, ինչպես նաև տեղեկություն տրամադրեց Հնդկաստանում գործող Մարդու իրավունքների մասին:
Հանդիպումը կրելով ոչ ֆորմալ բնույթ՝ սիրիահայ երիտասարդներին հնարավորություն տվեց տարատեսակ հարցադրումներ ուղղել մեծարգո դեսպանին և ստանալ համարժեք պատասխաններ:
Հիշեցնենք՝ 2015թ-ից «ՀԱԼԷՊ» կազմակերպությունը ՀՀ-ում ԱՄՆ-ի դեսպանության ֆինանսավորմամբ իրականացնում է «Սիրիահայ երիտասարդները հանուն ավելի լավ ապագայի Հայաստանում» ծրագիրը, որի նպատակն է նպաստել սիրիահայ երիտասարդների սոցիալ-մշակութային, հոգևոր, ֆիզիկական, կրթական և գիտական զարգացմանը:
Similar Posts
Նորություններ
Այցելութիւններ «Հալէպ» ՀԲՀԿ-ի կեդրոն
Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա
Նորություններ
Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը
Համաշխարհային եկեղեցիներու ազգային խորհուրդի նախագահ եւ «Հալէպ»
