Նորություններ
«ՀԱԼԷՊ» ՀԲՀԿ․ Բարեգործական միջոցառում-պտույտ Համբարձման տոնի առթիվ
Ս/թ մայիսի 25-ին «ՀԱԼԷՊ» հայրենակցական բարեսիրական հասարակական կազմակերպության տիկնանց խորհրդի նախաձեռնությամբ տեղի ունեցավ բարեգործական միջոցառում-պտույտ՝ նվիրված Համբարձման տոնին։
Մեկնարկը տրվեց Հանրապետության հրապարակից, որտեղից երթուղին ուղևորվեց դեպի Աբովյան քաղաք։
Հյուրերը նախ այցելեցին Սբ․ Հարություն եկեղեցի և ներկա գտնվեցին սուրբ պատարագի, այնուհետև կանգ առան Հատիս ռեստորանային համալիր, որտեղ կազմակերպվել էր տոնական հյուրասիրություն և խորհրդանշական միջոցառում ներկաների համար։
Հյուրերի մուտք ռեստորանային համալիր նշանավորվեց պտուղներից պատրաստված ձեռագործ մատանիների հանձնմամբ, որոնք տոնի հիմնական խորհրդանշականներն էին։
Միջոցառմանը բացման և ողջույնի խոսքով հանդես եկավ Ընկերային հանձնախմբի ատենապետուհի Ազնիվ Բերտիկյանը, ով հյուրերին ներկայացրեց մինչ օրս պահպանված Համբարձման տոնի խորհուրդը և ծիսական արարողությունների առանձնահատկությունները Հայաստանի տարբեր շրջաններում։
Խաղերը և վիճակները, որոնք ողջ միջոցառման անբաժանելի մասն էին կազմում, գլխավորեց Զեփյուռ Պալապանյանը՝ Ընկերային հանձնախմբի պատվավոր ներկայացուցիչը։
Հյուրերին հանձնվեցին զանազան խրախուսական նվեր-փաթեթներ։
«ՀԱԼԷՊ» ՀԲՀԿ-ի Գործադիր մարմինը շնորհակալություն է հայտնում բոլոր ներկաներին, ովքեր աջակից եղան կյանքի կոչելու ևս մեկ բարեգործական ձեռնարկ՝ այդ կերպ խրախուսելով և սատար կանգնելով «ՀԱԼԷՊ» ՀԲՀԿ-ին իր առաքելության իրագործման ճանապարհին։
Առանձնակիորեն, խորին երախտիք տիկին Յակուբյանին և Աղավնի Գազանջյանին, ովքեր հանդես եկան նվիրատվություններով, որոնք ի նպաստ կծառայեն «ՀԱԼԷՊ» ՀԲՀԿ-ի գործունեության շարունակականության ապահովմանը և Հայաստանում ապաստանած սիրիահայերի հիմնախնդիրների լուծմանը։
Similar Posts
Նորություններ
Այցելութիւններ «Հալէպ» ՀԲՀԿ-ի կեդրոն
Երկուշաբթի, 17 Հոկտեմբեր 2021-ին, Սուրիոյ Հալէպ քաղաքի արդիւնաբերակա
Նորություններ
Գերաշնորհ Տ․ Վիգէն Արքեպս․ Այգազեանի այցելութիւնը և «Հալէպ» ՀԲՀԿ-ի նոր կեդրոնի օրհնութեան արարողութիւնը
Համաշխարհային եկեղեցիներու ազգային խորհուրդի նախագահ եւ «Հալէպ»
