«ՀԱԼԷՊ» ՀԲՀԿ․ Սիրիահայ մանուկները ծանոթացան Երևանի տեսարժան վայրերին

2016թ-ի հուլիսի 22-ին «ՀԱԼԷՊ» հայրենակցական բարեսիրական հասարակական կազմակերպության նախաձեռնությամբ կազմակերպվող մանկապատանեկան հավաքների շրջանակում՝ սիրիահայ մանուկները և պատանիները պտույտ կատարեցին Երևան քաղաքի կենտրոնում։

Պտույտի ընթացքում սիրիահայ մանուկները և պատանիները կանգառ կատարեցին տեսարժան վայրերում՝ ծանոթանալով անվանի հայ կոմպոզիտորների և բանաստեղծների կենսագրությանը և գործունեությանը։

Հարկ է նշել, որ «ՀԱԼԷՊ»  կազմակերպության նախաձեռնությամբ իրականացվող կրթական-մշակութային ուղղվածություն ունեցող մանկապատանեկան հավաքները կրելով հայրենաճանաչողական բնույթ՝ խրախուսում են Հայաստան տեղափոխված սիրիահայ մանուկներին և պատանիներին ձեռք բերելու գիտելիքներ հայոց պատմության և մշակույթի մասին։